प्युठान अस्पतालमा अक्सिजन प्लान्ट मेसिन जडान गरिएको छ । लुम्बिनी प्रदेशका आर्थिक मामिला तथा कानुन मन्त्री कृष्णध्वज खड्काले सो रिबन काटेर शनिवार मेसिन उद्घाटन भएको सुरुवात गरेका हुन् । यो मेसिन सुरुवात भएपछी जिल्लामा पर्याप्त अक्सिजनको सुविधा हुनेछ । यो मेसिन नहुँदा स्वासप्रश्वास सम्बन्धिका बिरामि जिल्ला बाहिर जानुपर्ने बाध्यता थियो ।

अस्पतालमा जडान गरिएको अक्सिजन प्लान्ट मेसिन २० मिलिक्युब क्षमता भएको र दिनमा ७० देखि ७५ वटा ठुला अक्सिजन सिलिन्डर भर्न मिल्ने प्युठान अस्पतालका मेडिकल सुपरिटेन्डेन्ट डाक्टर नवीन दर्नाल ले बताए । जिल्लामै अक्सिजन प्लान्ट मेसिन सुचारु भएपछी अस्पतालबाट दिईने सेवामा सहजता हुने र जिल्ला बासिलाई सुविधा पुग्ने दर्नालको भनाई छ ।

मेसिन उद्घाटन कार्यक्रममा मन्त्री खड्काले प्युठान अस्पतालमा चालु आर्थिक वर्षमै ईन्डोस्कोपिक सेवा सुचारु गर्नको लागि ३० लाख बजेट छुट्टाएको जानकारी दिए । नागरिकहरुको स्वास्थ्यलाइ मध्यनजर गर्दै आउदो चैत्र महिना सम्म जिल्लामै सिटि स्क्यान र ईन्डोस्कोपिक सेवा सुचारु गर्ने मन्त्रि खड्काले बताए ।

प्युठान अस्पताल ब्याबस्थापन समितीका अध्यक्ष शिद्दिमणी सुबेदिको अध्यक्षतामा सुरु भएको उद्घाटन कार्यक्रममा प्रमुख जिल्ला अधिकारी खिमराज भुसाल , जिल्ला समन्वय उपप्रमुख पदम थापा , प्युठान नगरपालिकाका नगर प्रमुख अर्जुन कुमार कक्षपति प्युठान जिल्लाका प्रहरि प्रमुख सुनिल मल्ल लगायतको विशेष उपस्थित रहेको थियो ।