सरसफाई र स्वास्थ्य क्षेत्रमा बिशेष कलम चलाउनेहरुको संगठन वास पत्रकार मञ्च प्यूठानको संयोजकमा पत्रकार नोमराज पौडेल पुनः निर्वाचित भएका छन्। पत्रकार महासंघको सभाहलमा शुक्रबार भएको कार्यक्रममा पौडेलको नेतृत्वमा ९ सदस्यीय नयाँ कार्यसमिति गठन भएको हो।

सिखबर डट कम अनलाईनका सम्पादक, नेपाल टेलिभिजनका समाचारदाता र लिस्ने जनसञ्चार साप्ताहिकका कार्यकारी सम्पादक समेत रहेका पौडेल दोश्रोपटक सर्वसम्मत चयन भएका हुन्। समितिको सह संयोजकमा मधुसुदन भण्डारी त्यस्तै सदस्यहरुमा लोकेन्द्र सुनार, बोम बहादुर परियार,मधुसुदन पोख्रेल ,बिमल पोख्रेल , सिता मगर ,सिता वि.क र सिर्जना सेन निर्वाचित भएका छन्।

कार्यक्रममा नेपाल पत्रकार महासंघ पाँच नम्बर प्रदेश उपाध्यक्ष दिपा घर्ती, पत्रकार महासंघ प्यूठानका अध्यक्ष महावीर रानामगर, खानेपानी तथा सरसफाई डिभिजन कार्यालय प्यूठानको फोकल पर्सन भगवति शर्मा , नेपाल पत्रकार महासंघ प्यूठानका निवर्तमान अध्यक्ष गिरु भण्डारी , पुर्व अध्यक्ष शुसिल पोख्रेल लगाएतले कार्यकाल सफलताको शुभकामना ब्यक्त गरेका थिए।