सुजाता थापा क्षेत्री२०७८ कार्तिक ०७, प्यूठान
२०७८ कार्तिक ०७, प्यूठानसमाज परिवर्तनमा शिक्षकहरुको महत्वपूर्ण भूमिका रहेको लुम्बिनी प्रदेशका आर्थिक मामिला तथा सहकारी मन्त्री कृष्णध्वज खड्काले बताएका छन् । शनिबार एकीकृत अखिल नेपाल शिक्षक संगठनको छैठौँ जिल्ला परिषद कार्यक्रममा बोल्दै खड्काले यस्तो बताएका हुन् । समाजवादी शिक्षा प्रदान गरि समाज परिवर्तनको संवाहक शिक्षकहरु बन्नुपर्ने खड्काको भनाइ थियो ।
शिक्षकले आफू जलेर उज्यालो दिने मैनबत्ति भएको उनले बताए । कार्यक्रममा नेपाल कम्युनिस्ट पार्टी माओवादी केन्द्रका केन्द्रीय प्रतिनिधि तथा जिल्ला इन्चार्ज नारायण अधिकारी,माओवादी केन्द्रका जिल्ला अध्यक्ष कृष्ण अधिकारी, नगरकमिटिका इन्चार्ज कृष्ण घिमिरे,नगरप्रमुख अर्जुनकुमार कक्षपती, लगायतले परिषदको सफलताको शुभकामना दिएका थिए ।
जिल्ला परिषद्मा प्यूठान जिल्लाका सबै पालिकाका शिक्षकहरूका प्रतिनिधिहरूको उपस्थिति थियो ।
