२०७८ कार्तिक ७प्यूठानमा नेकपा (एकीकृत समाजवादी) मा खुलेका जिल्लाका दर्जनौ नेताहरु नेकपा एमालेमै फर्केका छन् । आईतबार एक वक्तब्य जारी गर्दै संविधानसभा सदस्य हिराबहादुर केसी एमालेमै फर्किएको जनाएका छन् ।
यस अधि नेकपा एसमा लागेका पूर्व एमाले पार्टी सचिब तथा संविधानसभा सदस्य धनबहादुर रायमाझि, शोभाराम भण्डारी, दिपेन्द्र केसी, तिलबहादुर घर्ति लगायतका नेताहरु एमालेमै फर्केका थिए । उनीहरु एमालेमै फर्केर पार्टीको संगठित सदस्य नविकरण गरी कार्तिक ६ गते भएको वडा अधिबेशनमा सहभागि भएको एमाले पार्टी अध्यक्ष तुल्सीराम शर्माले जानकारी दिए ।
२०७० को निर्वाचनमा प्यूठान क्षेत्र नम्बर २ बाट संविधानसभा सदस्यमा चुनाव जितेका केसीले विज्ञप्ति जारी गर्दै आफू नेकपा एमालेमै रहेको भनेका छन् । नेकपा (एकीकृत समाजवादी) पार्टीले केसीलाई केन्द्रीय अनुशासन आयोग सदस्य बनाएको थियो ।
यस्तै दीपेन्द्र केसी नेकपा (एस) पार्टीका जिल्ल सचिव थिए । नेकपा (एस) पार्टीमा लागेका तिलबहादुर घर्ती र धर्मराज भण्डारी नेकपा एमालेमै फर्किएका छन् । एमाले स्रोतका अनुसार राजकुमार श्रेष्ठ, कमला राना लगायत अन्य नेताहरु पनि एमालेमै फर्कने तयारी गरेका छन् ।
। नेकपा (एस) पार्टीको केन्द्रको नेतृत्वले आफ्नो पार्टी बलियो बनाउनु भन्दा एमालेलाइ कमजोर पारेर नेपाली कांग्रेस र नेकपा माओवादी केन्द्रलाई बलियो बनाउने निति लिएपछि आफूहरु एमालेमै फर्केको दिपेन्द्र केसीले बताए । प्यूठान नगरपालिका वडा नं. ९ मा नेकपा एमालेबाट निर्वाचित भएर पार्टी विभाजनमा नेकपा (एस) पार्टी रोजेका २ जना सदस्यले पनि आफूहरु एमालेमै फर्केको जनाएका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
