२०७८ कार्तिक ०९, प्यूठानप्रहरीलाई देख्ने बित्तिकै अपराधिक मानसिकता भएकाहरु तर्सिन्छन् र हच्किन्छन् । प्रहरीको काम शान्ति सुरक्षा कायम गर्ने हो । राज्यले पनि त्यसै अनुसार मुख्य सडक आपसपासमा प्रहरी चौकी स्थाना गर्ने गरेको छ । चौकी नभएको स्थानमा प्रहरी बिट स्थापना गरेर शान्ति सुरक्षार्थ गर्न खटाइरहेको हुन्छ सरकारले । जिल्लाको मुख्य ब्यापारिक केन्द्र बाग्दुलादेखि पुर्वि क्षेत्रमा प्रवेश गर्दा कुनै पनि ठाउँमा प्रहरी भेटिदैनन् । प्यूठान नगरपालिकाको मरन्ठनामा प्रहरी चौकी छ ।
बजार तथा सडक एकातिर र चौकी भित्रि सडक छेउँमा हुँदा मुख्य सडक मरन्ठाना बजारमा प्रहरीको डिउटी छैन । यहाँ प्रहरी भेटिदैनन् । मरन्ठानाबाट झिमरुक गाउँपालिका प्रवेश गरीन्छ । ओखरकोट मच्छीमा पनि चौकी छ । यहाँ बजार नजिकै भाडामा रहँदै आएको प्रहरी चौकी आफ्नै भवनमा सरेपछि मच्छी क्षेत्रमा बाटोमा प्रहरी भेटिदैनन् । यहाँका प्रहरीहरु चौकीमै डिउटी गरीरहेका देखिन्छन् । यो गौमुखी गाउँपालिका, गुल्मि र अर्घाखाँची आउ जाउ गर्ने मुख्य नाका हो ।
यहाँबाट धेरै सवारी साधनहरु पनि आउजाउ गर्छन् । चौकी आफ्नै भवनमा सरेपछि सवारी साधन इन्ट्रि समेत हुन छोडेको छ । झिमरुक गाउँपालिकाको चहलपहल हुने क्षेत्रमै प्रहरी नदेखिदा शान्ति सुरक्षा प्रहरी कमजोर बनेको छ । त्यस्तै गौमुखी गाउँपालिकाको लिवासेमा चौकी छ । यहाँ पनि मुख्य बजार क्षेत्र भन्दा टाढा प्रहरी बस्नाले बजार क्षेत्रमा डिउटीवाला प्रहरी भेटिदैनन् । केहिँ वर्ष पहिले प्रहरी विट स्थापना गरीएपनि हाल सञ्चालनमा छैन । जिल्ला भित्रिने र बाहिरीने नाका क्षेत्रमै प्रहरी नहुँदा आपराधिक मानसिकता भएकाहरु मौलाउन सक्ने भएकाले प्रहरी प्रशासनले यी क्षेत्रमा विट स्थापना गरी शान्ति सुरक्षा प्रदान गर्नुपर्ने देखिन्छ ।
