![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2018/07/jcb-e1530512211396.jpg)
जिल्लाको माण्डवी गाँउपालीकाले आपतकालिन अवस्थामा सडक सुचारु गर्ने र गाउँपालीका वाट हुने विकास निर्माणका कार्यमा प्रयोग गर्ने प्रयोजनका लागि डोजर खरिद गरेको छ।
वर्षायाममा आकस्मिक रुपमा खस्ने पहिरोवाट सडक वन्द हुने र जनतामा आकस्मिक सेवा लिनवाट हुने अवरोध छिचोल्न डोजरले विपद्को अवस्थामा ‘एम्वुलेन्स’सरह काम गर्ने अपेक्षा गरिएको छ। “वर्षायाममा खस्ने पहिरोले विभिन्न स्थानमा वाटो वन्द गर्छ। जसकारण विरामीलाई अस्पत्ताल लैजान समेत अवरोध हुन्छ। निजी डोजरहरु समयमै आउदैनन्।” गाउपालीकाका अध्यक्ष श्रिधर रोकाले भने–“आपत्कालिन अवस्थामा डोजरले एम्वुलेन्सको जस्तै काम गर्नेछ।”
गाँउपालीकामा खनिएका नयाँ सडकमा पहिरो खसेमा र भलका कारण वाटो अवरुद्ध भएमा तत्काल वाटो सुचारु गर्न गाउँपालीकाको डोजरले सहज हुने गाँउपालीकाले जनाएको छ। वर्षायाममा निजी डोजरहरु वोलाउदा समय लाग्ने र दुरीको हिसावले खर्च पनि वढी हुने, तुलनात्मक रुपमा गाउँपालीकाको डोजरले छोटो समय र कम खर्चमा काम सम्पन्न गर्नेछ।
गाउँ कार्यपालीकाको निर्णय अनुसार गाउँपालीकाले जे.सि.वी. डोजर खरिद गरेको हो। ४२ लाख वजारमुल्य रहेको जेसिवी टेण्डरमार्फत खरिद गरिएको हो। ४२ लाख वजारमुल्य रहेको डोजर टेण्डरमार्फत ३६ लाख ४५ हजारमा खरिद गरिएको गाउँपालीका अध्यक्ष श्रिधर रोकाले वताए।
डोजरले चालु आर्थिक वर्षमा गाउँपालीकाकै झण्डै २५ लाख वरावरको काम गरेको छ। डोजरको आम्दानिवाट गाउँपालीकाको अन्य खर्च व्यवस्थापनमा सहयोग पुगेको अध्यक्ष रोकाले वताए।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)