आज विश्व शौचालय दिवस, नेपालमा पनि विविध कार्यक्रम गरी मनाइँदैछ। सन् २०१३ नोभेम्बर १९ मा संयुक्त राष्ट्रसंघको महासभाले विश्व शौचालय दिवसलाई औपचारिक मान्यता दिएपछि यो दिवस मनाउन थालिएको हो।

नेपालमा ‘शौचालयको महत्व अमूल्य’ नारा तय गरेर यो दिवस मनाइँदै छ। दिवसका अवसरमा शौचालय निर्माण, प्रयोग, जनस्वास्वस्थ्य र सरसफाइ आदि विषयमा जनचेतना फैलाउने कार्यक्रमहरु हुँदै आएका छन्।

नेपाललाई दुइ वर्ष अघि नै खुला दिसामुक्त देश घोषणा गरिए पनि सबैको घरमा अझै शौचालयको ब्यवस्था भइसकेको छैन्।

आर्थिक अभाव, गरिबी, पानीको अभाव र जनचेतनाको कमीले गर्दा ग्रामीण क्षेत्रमा शौचालयको निर्माण र प्रयोग गर्ने परिपाटीको विकास पुर्ण रुपमा भइसकेको छैन्।

शहरी क्षेत्रहरुमा सार्वजनिक शौचालयहरु आवश्यक मात्रामा निर्माण हुन सकेका छैनन्। भएका शौचालय पनि अव्यवस्थित छन्।

विश्वमै चार अर्ब २० करोड भन्दा बढि मानिस सुलभ शौचालयको पहुँचबाहिर रहेको तथ्यांक छ।