विप्लव नेतृत्वको नेपाल कम्युनिस्ट पार्टी ४ नम्बर जिल्ला कमिटीले सोमवार रोल्पा रून्टिगढीका पहिरो पिडितहरुलाई आर्थिक सहयोग हस्तान्तरण गरेको छ।
४ नम्बर जिल्ला कमिटी इन्चार्ज जागृति, जिल्ला सेक्रेटरी पुष्टमान, अखिल क्रान्तिकारीका जिल्ला संयोजक सुशिल,रुन्टिगढी गाउँपालिका इन्चार्जले सन्देश लगायतले मृतकका परिवारहरुलाई किरिया खर्चको स्वरूप जनही ५ हजारको दरले नगद रकम प्रदान गर्नुभएको हो ।

गत असार १८ गते सोमबार रोल्पाको रुन्टिगढी गाउँपालिका वडा नं ५ मा अविरल वर्षाका कारण पर्खाल भत्कियर घरलाई च्याप्दा ३ जनाको दुखद् निधन भएको थियो ।
मृत्यु हुनेहरुमा १८ दिनकी शिशु आयुसा बिक,२२ वर्षीया सुत्केरी आमा कमला बिक र कक्षा ८ मा अध्ययनरत १५ वर्षिया चित्रा बिक रहेका छन ।

पिडितहरुलाई सहयोग हस्तान्तरण गर्दै इन्चार्ज जागृतिले नेपाल कम्युनिस्ट पार्टी सधै जनताको सुख दु:खमा सहयात्रा गर्ने पार्टी भएको बताउनुभयो ।
जनताका अगाडि समस्या र चुनाैती खडा हुदा नेकपाले नेतृत्व गरेर जनतालाई न्याय दिलाएको इतिहास समेत घाम झै छर्लङ्ग रहेको इन्चार्ज जागृतिले बताउनुभयो ।

↵
साथै उक्त समयमा डिकोस रोल्पाका अध्यक्ष कर्ण बहादुर बाठाले पनि पिडितहरुलाई आर्थिक सहयोग गर्नु भयको थियो।