२०७८ पुस १२वैज्ञानिक समाजवादी व्यवस्था र शिक्षाका लागि जनमत संग्रह भन्ने मूल नारा सहित विद्यार्थी जागरण अभियान २०७८ ले प्युठानमा तिव्रता पाएकाे छ । जिल्ला तहमा दलाल संसदिय शिक्षा प्रणाली कि वैज्ञानिक समाजवादी व्यवस्था र शिक्षाका लागि जनमत संग्रहकाे विषयमा व्यापक बहस सुरु भएको छ ।
अखिल (क्रान्तिकारी) केन्द्रीय समितिकाे निर्णय अनुसार “वैज्ञानिक समाजवादी व्यवस्था र शिक्षाका लागि जनमत संग्रह” भन्ने मुल नाराका साथ विध्यार्थी जागरण अभियान देशभर संचालन भएको अखिल क्रान्तिकारी केन्द्रीय सदस्य तथा राेल्पा , प्यूठान इन्चार्ज एवम् अभियानका कमाण्डर केशव कवर ( प्रदिप) ले जानकारी दिएका छन् । अभियानकाे क्रममा जिल्लाका सबै क्याम्पस र केही मुख्य मा. वि. हरुमा शिक्षक तथा विध्यार्थी हरु बिच अभियानकाे विषयमा अन्तरक्रिया र मुल इकाई कमिटी निर्माण गरिएको अभियानका कमाण्डर कवर ले बताए । उनले भने ” अहिले देसमा दलाल संसदिय व्यवस्था असफल भैसकेकाले वैज्ञानिक समाजवादी व्यवस्था स्थापना गर्न र वैज्ञानिक, व्यवहारिक तथा प्रविधिमैत्री शिक्षा प्रणाली लागू गर्न क्रान्तिकारी जुझारु युवा विद्यार्थीहरुको सचेत पहलको अपरिहार्य आवश्यकता रहेको छ ।” अब नेपालमा वैज्ञानिक समाजवादी व्यवस्था र शिक्षाका लागि जनमत संग्रहको विषयमा युवा विद्यार्थीहरुले गाउँगाउँमा बस्ती तथा हरेक समुदाय स्तरमा बहस छेड्नुपर्ने उनले बताए ।
अभियानकाे क्रममा अाज सम्म जिल्लाकाे मुक्ति मा. वि. रातामाटा, अमर क्याम्पस वाजिपुर , अमर मा. वि. भिङ्ग्री, माण्डवी मा. वि. नयाँगाउ, गाैमुखी क्याम्पस मच्छि, बाल शिक्षा मा. वि. मच्छि, क्षेत्र बिकास मा. वि. पुण्यखाेला, त्यस्तै प्युठान क्याम्पस खलंगा , महेन्द्र मा. वि. खलंगा लगायतका दर्जनौं क्याम्पस तथा मा. वि. हरुमा कार्यक्रम सम्पन्न गर्दै मुल इकाई कमिटी निर्माण भैसकेकाे अखिल क्रान्तिकारी प्युठानका अध्यक्ष गगन गिरी ले बताए । अभियानमा जिल्ला पार्टीको पनि सहयोग रहेकाे ने क पा प्युठानका सेक्रेटेरी अजय ले जानकारी दिए । उनले नेपालमा शिक्षा २ प्रकारको रहेकाले हुनेखानेहरुको शिक्षा र हुँदाखानेहरुको शिक्षाको बिचकाे खाडल मेटाउदै शिक्षामा आमूल परिवर्तन अावश्यक रहेकाे बताए । शिक्षा भनेकाे राज्यको दायित्व र जनताकाे अधिकार भएको उनले बताए ।
अभियानमा अखिल क्रान्तिकारी केन्द्रीय सदस्य तथा राेल्पा, प्यूठान इन्चार्ज केशव कवर ( प्रदिप) काे कमाण्डमा संगठनका राेल्पा जिल्ला उपाध्यक्ष सिस्कुमार , दाङका काेषाध्यक्ष चुुडामणी , र बाँकेका सचिवालय सदस्य कर्मा बहादुर बाेहरा सहितकाे टाेली खटिएको प्युठान का अध्यक्ष गगन गिरीले जानकारी दिए । अभियान प्युठानमा सकिएपछि लगत्तै अर्घाखाँची , गुल्मी , हुदै पाल्पा सम्म पुग्ने अभियान टिम कमाण्डर केशव कवरले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
