प्यूठानको उच्च पहाडी क्षेत्रमा आज दिउँसोदेखी हिमपात भएको छ ।

आज बिहानदेखी पानी परेपछि चिसो बढेसँगै जिल्लाको उच्च पहाडी भेगमा हिउँ पर्न थालेको हो । हिउँ परेसँगै जनजीवन प्रभावित भएको छ । प्यूठानको नौबहिनी १ स्थित स्याउलीबाङको कोठिभिर, प्यूठान नगरपालिका ५ को लिस्ने, नगरपालिका ६ काे झुलेनी, स्वर्गद्वारि, झिमरुक गाउँपालिका ८ स्नाथान, दिहाल्ना लगायत स्थानमा अहिले हिमपात भइरहेको छ । डाडाँ पाखाहरु हिउँले सेत्याम्मै भएका छन् ।

जंगलमा बाक्लो हिउँ जमेपछि स्थानीयलाई वस्तु चराउँन मुस्किल भएको छ । उच्च पहाडी क्षेत्रका विद्यालयहरुमा पठनपाठन समेत प्रभावित भएको छ ।