झुलेनी पोष्ट२०७८ पुस २६
२०७८ पुस २६नेपाल कम्युनिष्ट पार्टी (एमाले) प्यूठानको नेतृत्वको पदाधिकारीका लागि भएको निर्वाचनको मतगणना सुरु भएको छ । नेकपा एमाले पार्टी कार्यालय उमेश स्मृती प्रतिष्ठान विजुवार प्यूठानमा मतगणना सुरु भएको हो ।
आइतवार साँझ सम्पन्न भएको निर्वाचनको मतगणना सोमवार बिहानदेखि सुरु भएको निर्वाचन नवौं अधिवेशन निर्वाचन मण्डलले जनाएको छ । कुल ५ सय ३७ मतदाता मध्ये ५ सय १० मत खसेको छ । अध्यक्ष पदका लागि नेहरसिंह के.सी. र बिजयविराज प्रतिष्पर्धामा छन् ।
उपाध्यक्ष पदमा मुक्ति पोख्रेल र झगबहादुर विश्वकर्मा, सचिव नेगनसिंह कुवर र माधव शर्मा, उपसचिव पदमा दिपा घर्ति, श्रीधर रोका र बिनोद ओली प्रतिष्पर्धामा रहेका छन् ।
पदाधिकारी र दलित सदस्य बाहेक अन्य सदस्यमा सबै निर्विरोध निर्वाचित भइसकेका छन् । अधिवेशनको खुल्ला सत्र शुक्रवार सम्पन्न भएको हो भने बन्द शत्र शनिवार भएको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
