किसानका बारीमा कृषि अधिकृत आपैm पुगेका छन् । प्रधानमन्त्री कृषि आधुनिकीकरण परियोजना, परियोजना कार्यान्वयन इकाई, खलंगा प्युठानका निमित्त बरिष्ठ कृषि अधिकृत चुमानसिंह गिरी मंगलबार किसानका बारीमा पुगेका हुन् । प्युठान नगरपालिका ८ नं. वडाका विभिन्न कृषि फर्महरुमा पुगेर फर्म अनुगमन तथा अवलोकन गरिएको हो ।

व्यवसायीक रुपमा टमाटर र आलु खेति गरिरहेका कृषकहरुको बारीमै पुगेर अवलोकन गरिएको हो । विशेष गरि डडुवा रोगबाट समस्या झेलिरहेका किसानका बारीमा पुगेर उनिहरुलाई रोगको नियन्त्रणका लागि ढुसी नासक विषादी समेत वितरण गरिएको थियो ।

गिरीले किसानका बारीमा नपुगे उनिहरुका समस्या स्पष्ट रुपमा जानकारी पाउन नसकिने भएकाले बारीमै पुग्नुपरेको बताए । उनले कृषि क्षेत्रको उत्पादन र उत्पादकत्व वृद्धि गर्ने स्पष्ट मार्गचित्रका साथ कृषि उपजको उतपादनमा जोड दिनुपर्नेमा स्थानीय निकाय र सरोकारवाला सबैको ध्यान जानुपर्ने समेत बताएका छन् ।

किसानका लागि आवश्यक प्राविधिक, उत्पादन सामग्रीको व्यवस्था, बाली उत्पादनमा यान्त्रिकरण, प्रशोधन तथा बजारीकरण गर्न आवश्यक पूर्वाधार समेतमा परियोजना इकाई, प्यूठानको तर्पmबाट आफुहरुले भुमिका खेलिरहेको बताएका छन् । ‘यसका लागि सबै किसानहरुको एउटै आवाज हुन पनि जरुरी छ, स्थानीय तहहरुले पनि यस्ता कार्यक्रमहरुलाई पहिलो प्राथमिकतामा राखेर काम गर्नुपर्छ,’ उनले भने ।

परियोजना इकाई प्यूठानका ना.प्रा.स. विपिन खड्का, प्यूठान नगरपालिका ८ नं. वडाका कृषि प्राविधिक श्रीधरा पण्डितले समेत फर्महरुको अवलोकन तथा अनुगमन गरेका थिए ।