कर्मचारीमा कोरोना संक्रमण देखिएको र जोखिम बढेको भन्दै मालपोत कार्यालय प्युठानले कार्यालयको प्रशासनिक आन्तरिक काम बाहेकका अन्य सबै सेवा बन्द गरेको छ।

कार्यालयले बुधबार सूचना जारी गर्दै कार्यालयका केही कर्मचारीमा कोभिट -१९ पोजेटिभ देखिएको र अन्य कर्मचारीमा समेत मिल्दो जुल्दो लक्षण देखिएकोले थप कर्मचारीमा समेत लक्षण देखिएकोले कार्यालयको नियमित कामकाजमा रहदा कर्मचारीहरु उच्च जोखिममा पर्नुको साथै सेवाग्राही समेत जोखिममा पर्न सक्ने भएकोले कार्यालयको अन्तरिक प्रशासनिक कामलाई निरन्तरता दिने गरि अन्य सेवा माघ १३ देखि १८ सम्मलाई सेवाग्राहीको काम स्थगन गरिएको जानकारी दिएको हो । यसअघि प्रशासनले कर्मचारीमा कोरोना संक्रमण देखिएको भन्दै अत्यावश्यक बाहेक अन्य सेवा बन्द गरेको थियो ।