News Portal

रेडियो सुन्नुहोस्

पीसीआर ल्याब ८ महिनादेखि ठप्प : कपिलवस्तु 

मनोज पौडेलमाघ १४, २०७८
३५४ पटक
माघ १४, २०७८

कोरोना भाइरस संक्रमण तीव्र रूपमा फैलिरहेका बेला जिल्लामा रहेको एक मात्र पीसीआर परीक्षण प्रयोगशाला आठ महिनादेखि बन्द छ । जिल्ला अस्पतालले चपरतल्लास्थित साविकको महिला विकास कार्यालयमा सञ्चालनमा ल्याएको प्रयोगशाला कामविहीन बनेको हो ।
जिल्लामा सक्रिय संक्रमित ५ सय पुग्न लागेका छन् । तर प्रयोगशाला रहेको भवनको गेट र ढोकामा ताल्चा झुन्डिएको छ ।

ल्याब सञ्चालनका लागि संघीय सांसदद्वय बृजेशकुमार गुप्ताले १ करोड ४९ लाख र चक्रपाणि खनालले २८ लाख रुपैयाँ सहयोग गरेका थिए । जिल्ला कोरोनाको हटस्पट बनेका बेला त्यसको न्यूनीकरणका लागि सांसदले विकास बजेटबाटै मेसिन सञ्चालनका लागि रकम दिएका हुन् ।

त्यस्तै, कपिलवस्तु नगरपालिकाभित्र बस्ने समाजसेवी उमा पौडेलले १ लाख रुपैयाँ सहयोग गरेकी थिइन् । निर्णय भएको साढे ३ महिनापछि असोज १२ गते अस्पतालले मेसिनका लागि ३० दिने टेन्डर आह्वान गरेको थियो । पुस २१ गते मेसिन आइपुगेको हो । १ करोड ५ लाख रुपैयाँ खर्चमा ९ महिनापछि गत फागुनमा उक्त ल्याब सञ्चालनमा आएको थियो ।

ठेक्का लागेर बचेको रकमबाट मेसिन सञ्चालन र कार्यालय व्यवस्थापन गरिएको थियो । तर चार महिना चलेर जेठमा बन्द भएको ल्याब अहिलेसम्म सञ्चालनमा आउन सकेको छैन । बजेट नहुँदा ल्याब सञ्चालन गर्न नसकेको कपिलवस्तु अस्पतालका प्रमुख डा. किशोर बन्जाडेले बताए । ‘न्यूनतम शुल्क लिएर पनि ल्याब सञ्चालन गर्न मासिक ५ लाख रुपैयाँ चाहिन्छ,’ उनले भने, ‘कतैबाट स्रोत नहुँदा समस्या भएको छ ।’

माघ ९ यता दैनिक ६० भन्दा बढी संक्रमति जिल्लामा थपिँदै छन् । १० गते ८० जना थपिएका थिए । अधिकांशको एन्टिजेन परीक्षणबाटै पहिचान भएको हो । ‘पीसीआर परीक्षण गरेर ढुक्क हुन चाहन्छु,’ कपिलवस्तु नगरपालिकाका प्रकाश अर्यालले भने, ‘यहाँ सुविधा नहुँदा मनमा शंका/उपशंका लिएर बस्नुपरेको छ ।’ दिनानुदिन संक्रमण बढ्दै जाँदा शंकास्पद बिरामीले परीक्षण गराउन चाहना राखे पनि पाएका छैनन् । ‘त्यसका लागि बुटवल, भैरहवा र भरतपुर जानुपर्ने हुन्छ । त्यता जाँदा खर्च बढी हुन्छ,’ अर्यालले भने । यहाँको प्रयोगशालामा एक घण्टामा ९६ जनाको स्वाब परीक्षण गर्ने क्षमता थियो ।

नतिजा दिन कम्तीमा ६ घण्टा लाग्ने कपिलवस्तु अस्पतालका ल्याब प्रमुख राकेश शाहले बताए । ल्याबमा जनशक्तिको समस्या छ । ‘फुल फेजमा चलाउन १० जना चाहिन्छन्,’ एक प्राविधिकले भने, ‘सामान्य रूपमा चलाउन एक सिफ्टमा कम्तीमा ४ जना चाहिन्छ ।’ कपिलवस्तु अस्पतालसँग ल्याबमा ९ जनाको जनशक्ति छ । जिल्लाका १० स्थानीय तहले ल्याब सञ्चालन गर्न ६/६ लाख रुपैयाँ दिने भनेर गत असारमै निर्णय गरेका थिए । तर अझसम्म रकम आएको छैन ।

ekantipur

प्रतिकृया दिनुहोस्

हंसपुर स्वास्थ्य चौकीमा कार्यरत ल्याब असिस्टेन साधना के.सीले आफनो जन्मदिन क्षयरोग विरामीसँग मनाईन

सरुमारानी गाउँपालिकाको हंसपुर स्वास्थ्य चौकीमा कार्यरत ल्याब असिस्टेन साधना के.सीले आफनो जन्मदिन क्षयरोग विरामीसँग मनाएकी...

प्रचण्डले पाएनन् विश्वासको मत

१८ महिनापछि प्रधानमन्त्री पुष्पकमल दाहाल ’प्रचण्ड’ सत्ताबाट बाहिरिएका छन् । प्रतिनिधि सभामा शुक्रबार राखेको विश्वासको...

‘रेड एड्भाइजरी’ जारी भएका दिन रात्रिकालीन सवारी सञ्चालनमा रोक

‘रेड एड्भाइजरी’ (उच्च जोखिमको सूचना) जारी भएका दिन तोकिएका जिल्लाहरूमा रात्रिकालीन सवारी सञ्चालनमा रोक लगाईएको...

नारायणगढ–मुग्लिन सडकमा पहिरोले दुई वटा बस त्रिशुली नदीमा मिसायो

नारायणगढ–मुग्लिन सडकको सिमलतालमा लेदोसहितको पहिरोले २ वटा बस बगाएको छ । शुक्रबार बिहान साढे ३...

यूवा गैरसरकारी संस्था महासंघ प्यूठान शाखा अध्यक्षमा प्रज्वल पहाडी

यूवा गैरसरकारी संस्था महासंघ प्यूठानको भेला सम्पन्न भएको छ । मंगलबार जुम्रीमा भएको भेलाले प्रज्वल...