मतदाता परिचय पत्र सम्बन्धी जिल्ला निर्वाचन कार्यालय प्यूठानले सुचना जारी गरेको छ । निर्वाचन आयोगले जारी गरेको परिचय पत्र नष्ट भएको वा हराएको भएमा सरोकारवाला स्वयंले सुचना प्रकाशन भएको मिति देखि २०७८/११/२० गतेसम्म सम्बन्धित वडा कार्यालयको सिफारिस सहित आफ्नो मतदमतम नामावली रहेको जिल्ला कार्यालयमा मतदाता परिचय पत्रका लागि निवेदन दिनको लागि सुचना प्रकाशन गरेको हो ।

सरकारले स्थानीय तहको निर्वाचन ३० वैशाखमा गर्ने निर्णय गरेसँगै मतदाता नामावली संकलन तथा अद्यावधिक कार्य स्थगित भएको थियो । मन्त्रिपरिषद्को गत माघ २४ गते बसेको बैठकले स्थानीय निर्वाचनको मिति तय गरेको हो ।

सरकारले निर्वाचनको मिति तय गरेसंगै मतदाता नामावली ऐन २०७३ को दफा ४ को उपदफा २ मा भएको प्रावधान समेतका आधारमा नामावली संकलन कार्य माघ २५ गतेबाट स्थगित गरिएको थियो ।