२०७८ फागुन ११ प्यूठानसरुमारानी गाउँपालिका २ मा एक दिने निशुल्क पशु स्वास्थ्य घुम्ती शिविर मंगलबार सम्पन्न भएकाे छ ।
सरुमारानी गाउँपालिका वडा नं.२ को तमु ल्होसार मञ्चमा संचालन गरिएको शिविरबाट १ सय २८ कृषकले लाभ लिएका छन । उनीहरुको ३ हजार ४ सय २२ पशुपंक्षीको समस्या अनुसारको औषधी उपचार र ७ वटा कुकुरलाई रेबिज रोग विरुद्ध खोप दिएको सरुमारानी गाउँपालिकाका पशु सेवा शाखा प्रमुख केशब गिरीले बताए। गाउँपालिकाको आ.व. २०७८/०७९को वार्षिक स्वीकृत कार्यक्रम अनुसार पशु स्वास्थ्य घुम्ती शिविर संचालन भएको हो । अहिले सम्म गाउँपालिका भित्रका ५ वटा वडाहरुमा शिविर सम्पन्न भईसकेको छ भने बाँकी रहेको वडा नं ३ को सजिकोटमा फागुन १२ गते संचालन हुने भएको छ ।
विशेष गरि पशु सेवा शाखाको पहुँचबाट टाढा रहेका पशुपंक्षीपालक कृषकहरुको पशुपंक्षीमा देखिने समस्याहरुको समाधान गरि उनीहरूको क्षेती न्यूनीकरण गरी उत्पादन वृद्धि गर्ने उदेश्यले शिविरको आयोजना गरिएको प्रमुख गिरीले बताए । उक्त शिविरबाट पशुपंक्षीको आन्तरिक तथा बाह्य परिजिवी विरुद्ध औसधी वितरण, सम्पुर्ण रोग तथा समस्याहरुको उपचार, बन्ध्याकरण, कुकुरलाई रेबिज विरुद्ध खोप, बाजोपनको उपचार र पशुपंक्षीपालन सम्बन्धी परामर्श सेवाहरु दिदै आएको गिरीले बताए ।
