अखिल नेपा युवक संघ प्यूठानले मल्लरानी गाउँपालिका प्यूठानका अध्यक्ष अमरध्वज राना एवं प्रमुख प्रशासकीय अधिकृत बालकृष्ण थापालाई भएको अभद्र व्यवहारको विषयलाई प्रमुख जिल्ला अधिकारीलाई ज्ञापन पत्र बुझाएको छ ।

आफूलाई विप्लव समुहको कार्यकर्ता बताउने गोपिलाल सुनार समेतको जत्थाले फागुन ९ गते दिउँसो हातपात गर्दै कालोमोसो दलेको घटनाप्रति गम्भिर ध्यानाकर्षण भएको जनाउँदै प्रमुख जिल्ला अधिकारी खिमराज भुषाललाई ज्ञापन पत्र बुझाएको हो संघका का.वा. अध्यक्ष कमल पौडेलद्वारा हस्ताक्षरित ज्ञापन पत्रमा मल्लरानी गाउँपालिका वडा नं. ५ सरङकोटमा रहेको भूमि विकास आधारभूत विद्यालयको पठनपाठन सहजीकरणको लागि विभिन्न कार्यालयका कार्यालय प्रमुख तथा कर्मचारी सहित भएको छलफलमा सो जत्थाले आतंक सिर्जना गरी अपमानजनक र अमानवीय कार्य भएको भन्दै सो घटनाको भत्र्सना गरेको छ ।

घटनामा संलग्न रहेका सुनार सहितका आपराधिक कार्यमा संलग्नहरुलाई कानुनी कारवाहीका लागि जाहेरी दिदा समेत प्रहरी र प्रशासनले निजहरुलाई पक्राउ गर्न उदासिन भई पक्राउ गर्न नसक्नु दुखद विषय भएको आरोपल लगाएको छ ।