नेकपा एमालेद्वारा नेकपा मसाललाई ध्यानाकर्षण नेकपा एमाले मल्लरानी गाउँपालिका कमिटिले नेकपा मसालले निकालेको विज्ञप्तीप्रति आफ्रनो ध्यानाकर्षण भएको जनाएको छ ।

फागुन ९ गते मल्लरानी गाउँपालिका वडा नं. ५ को भुमि विकास आधारभूत विद्यालयमा भएको विषयलाई लिएर मसालले १० गते निकालेको विज्ञप्ती प्रति आफुहरुको ध्यानाकर्षण भएको जनाउँदै नेकपा मसालले निकालेको विज्ञप्तीको खण्डन गरेको हो । विज्ञप्तीमा अनावश्यक र अतिरञ्जित भ्रमपूर्ण व्यवहार नगर्न आग्रह गरिएको छ ।

मुलुकमा लोकतन्त्र, शान्ति, अभिव्यक्ति स्वतन्त्रता तथा संविधानले दिएको नागरिकको हक अधिकार प्राप्तिका लागि शान्तिपूर्ण ढंगले आफ्ना गतिविधिहरु सञ्चालन गरीरहेको नेकपा एमालेलाई अनावश्यक आरोप लगाउने मसाललाई पुष्टि गरेर देखाउन चुनौती दिएको हो । अध्यक्ष शुनिल शाही लेकाली र सचिव नोमराज पौडेलद्वारा हस्ताक्षरित बिज्ञप्तीमा समाजमा उदण्ड तथा शान्ति खलल पार्ने, गैर कानुनी रुपमा कहिले पनि संलग्न नहुने र जवरजस्त हाम्रो पार्टी र कार्यकर्तालाई पुर्वाग्रहपुर्ण तरिकाले संलग्न भएको आरोप लगाउने अहिलेको गठबन्धन सरकारको समर्थन गरेको पार्टी र नेकपा मसालले आफूले लगाएको आरोप तुरुन्त सच्चाउन विज्ञप्ती मार्फत आग्रह गरेको छ ।