News Portal

रेडियो सुन्नुहोस्

सरुमारानिमा खेलकुद र सांस्कृतिक कार्यक्रमका साथ मगर दिवस मनाइयो

तेजेन्द्र बि. एम.२०७८ फागुन १५
११६७ पटक
२०७८ फागुन १५

सरुमारानी गाउँपालिकामा खेलकुद तथा विविध सांस्कृतिक कार्यक्रम गरि ४० औं मगर एकता दिवस कार्यक्रम मनाईएको छ । नेपाल मगर संघ मगर दिवस आयोजक समितिको आयोजनामा कार्यक्रम गरिएको सरुमारानी गाउँपालिका वडा नं. ४ का वडा अध्यक्ष चिन्ता सोमै मगरले जानकारी दिएका छन् । फागुन १४ गते भलिबल प्रतियोगिताको आायोजना संगै आज फागुन १५ गते औपचारिक र्‍याली तथा मञ्च कार्यक्रम गरि दिवस मनाईएको हो । साथै मगर दिवसको अवसरमा गाउँपालिकामा सार्वजनिक विदा समेत दिइएको थियो ।
खुल्ला भलिबल प्रतियोगितामा क्रमश प्रथम, द्वितीय र तृतीयलाई ५, ३ र २ हजार पुरस्कार समेत राखिएको थियो । फागुन १५ मगर दिवसको अवसरमा गायिका सुनिता बुढा मगर लगायतका अन्य स्थानीय कलाकारहरुले आफ्नो प्रस्तुति राखेका थिए ।
मगर समुदायको भाषा, कला, भेषभुषा र संस्कृतिसंगै लोपोन्मुख स्रोत साधनको संरक्षणका लागि विगतका वर्षहरुमा जस्तै यस वर्ष पनि कार्यक्रमलाई निरन्तरता दिइएको हो । कोभिडका कारणले भेला तथा मञ्च कार्यक्रम पुर्ण रुपमा गर्न नसकिएकोले यस वर्ष पनि निरन्तरता दिने गरि कार्यक्रम गरिएको गाउँपालिका उपाध्यक्ष मिना सोमै मगरले जानकारी दिए ।
कार्यक्रममा बोल्दै गाउँपालिका अध्यक्ष झग बहादुर विश्वकर्माले मगर समुदायको बाहुल्यता भएको पालिकामा जातिय पहिचान जोगाउनका लागि आफ्नो तर्फबाट सदैव सहयोग रहिरहने बताएका छन् । गाउँपालिका अध्यक्ष झग बहादुर विश्वकर्माको प्रमुख आतिथ्यतामा भएको कार्यक्रमको सञ्चालन भने आयोजक समितिका सचिव किसान सारु मगरले गरेका थिए ।

प्रतिकृया दिनुहोस्

प्रजातन्त्र दिवस प्यूठानमा पनि विभिन्न कार्यक्रम गरि मनाईयो

प्रजातन्त्र दिवस प्यूठानमा पनि विभिन्न कार्यक्रम गरि मनाईएको छ । जिल्ला प्रशासन कार्यालय प्यूठानको आयोजनामा...

मुक्ति मा.विको ७२ औं वार्षिक उत्सव तथा अभिभावक भेला सम्पन्न

मुक्ति माध्यामिक विद्यालय रातामाटाको ७२ औं वार्षिक उत्सव तथा अभिभावक भेला सम्पन्न भएको छ ।...

घुमन्ते व्यापारीहरुलाई निरुत्साहित गर्न प्यूठान उद्योग वाणिज्य संघको होडिङ्ग वोर्ड

प्यूठान जिल्लामा अनाधिकृत रुपमा रहेका घुमन्ते व्यापारीहरुलाई निरुत्साहित गर्नको लागि प्यूठान उद्योग वाणिज्य संघले होडिङ्ग...

शिशु कल्याण प्रा.विले अभिभावक शिक्षा अभिमुखिकरण तालिम सञ्चालन गर्‍यो

प्यूठान नगरपालिका ७ टाकुराचौर स्थित शिशु कल्याण प्रा.वि ले अभिभावक तथा अभिभावक शिक्षा अभिमुखिकरण तालिम...

सहकारीको मुल्यमान्यतालाई टेकेर सहकारी सञ्चालन गर्न प्रजिअ अर्यालको आग्रह

प्रमुख जिल्ला अधिकारी नारायण प्रसाद अर्यालले जिल्लामा रहेका सहकारी सञ्चालक समितिलाई सहकारीको मुल्यमान्यता भित्र रहेर...