नेकपा एकीकृत समाजवादी प्यूठान उपाध्यक्ष हलिम मियाले आइतवार संसदबाट एससीसी पारित गरेको विषयमा असहमति जनाउँदै बिज्ञप्ती निकालेका छन् । संसदबाट एमसीसी पारित गर्न आफ्नै पूर्व धारणा विपरित उभिएर एकीकृत समाजवादीले रहस्यमय रुपमा भुमिका खेलेको भन्दै मियाद्वारा हस्ताक्षरित बिज्ञप्तीमा उल्लेख छ ।

आफैले राष्ट्रघाती भनेको सम्झौता रातारात कसरी राष्ट्रहित भयो भन्दै उनले सोमबार बिज्ञप्ति निकाल्दै केन्द्रिय नेतृत्वलाई प्रतिप्रश्न गरेका छन । यो विषयले देशभरीका नेता तथा कार्यकर्ताहरु गंभीर भएको बताउँदै उनले सत्ता स्वार्थका लागि गरीएको यस्तो भूमिकाले जनतासामु पार्टीका तर्फबाट मुख देखाउन लायक नभएको जारी बिज्ञप्तीमा लेखिएको छ ।

गठबन्धन र सत्ता टिकाउन सभामुख र १४ वना सांसदहरु जोगाउन भनी गरिएको कार्य गलत र खेदजनक रहेको र कथित ११ बुदे व्याख्यात्मक टिप्पणीले एमसीसी सम्झौताका सन्दर्भमा कुनै अर्थ नरहने स्पष्ट पार्दै मियाले बिज्ञप्ती जारी गरेका हुन् । यसले प्यूठान जिल्लामा नेकपा समाजवादी पार्टीमा हलचल मच्चाएको छ । यस अघी नेकपा एमा लागेका पार्टी सचिव दिपेन्द्र केसी नेकपा एमालेमा फर्किसकेका छन् ।

नेकपा एसमा लागेका नेता कार्यकर्ताले एमसीसी पास गर्न पार्टी लागेमा सो पार्टी छोड्ने घोषणा गरेका थिए ।