प्यूठान, फागुन २१ । प्यूठान नगरपालिका वडा नं. २ का स्वर्गीय वडा अध्यक्ष खिम वहादुर विष्ट र स्वर्गीय वडा सदस्य दुर्ग बहादुर धामीको स्मृतिमा खुल्ला पुरुष भलिबल प्रतियोगिता सञ्चालन हुने भएको छ ।

प्यूठान नगरपालिका वडा नं.– २ को आयोजनामा यहि फागुन २८ गतेदेखि ३० गतेसम्म चितिखोला स्थित पच्छार खेलमैदानमा उक्त प्रतियोगिता सञ्चालन हुने अध्यक्ष मुक्ति पोख्रेलले जानकारी दिएका छन् ।

स्वास्थ्यको लागि खेलकुद राष्ट्रको लागि खेलकुद भन्ने मुल नाराका साथ प्रतियोगिताको आयोजना गरिएको पोख्रेलले बताएका छन् ।प्रतियोगितामा प्रथम, द्वितीय र तृतीयलाई क्रमशः नगद ५० हजार, ३० हजार र २० हजारसहित प्रमाणपत्र प्रदान गरिने आयोजकले जनाएको छ ।

वडाले स्वर्गीय वडा अध्यक्ष र वडा सदस्यको सम्झना स्वरुप अघिल्लो वर्षदेखि प्रतियोगिता सञ्चालन गर्दै आएको छ । वडा अध्यक्ष खिम बहादुर बिष्टको २०७५ मंसिर २१ गते र वडा सदस्य दुर्ग बहादुर धामीको २०७७ साउन १८ गते निधन भएको थियो ।