झुलेनी पोष्ट२०७८ चैत ९, प्यूठान
२०७८ चैत ९, प्यूठानस्थानिय तह निर्वाचनका लागि जिल्ला प्रहरी कार्यालयहरुले म्यादी प्रहरीको आवेदन खुलाएसगँै देश भर जिल्ला प्रशासन कार्यलयहरुमा आवेदन दिनेको दैनिक ५सय जना भन्दा धेरैको संख्यामा भिड लाग्ने गरेको छ ।
वैशाख ३० गते हुने निर्वाचनका लागि जिल्लामा १२ सय ४८ जना म्यादी प्रहरीको माग गरिएको छ । म्यादी प्रहरीको आवेदन खुलेको ४ दिनमै प्यूठानमा२३सय७२जनाले आवेदन दिएका छन् ।
तर जिल्लामा म्यादी प्रहरीको माग संख्या भने १२सय४८ जना रहेको छ ।
प्यूठानमा बुधबार सम्म माग संख्या भन्दा लगभग दोब्बर आवेदन परेको जिल्ला प्रहरी कार्यलय प्यूठानका प्रहरी निरिक्षक देबी प्रसाद गैरेले जानकारी दिनुभयो ।
म्यादी भर्ना हुन आवेदन दिन गाउँगाउँबाट ठूलो संख्यामा युवा यूवतीहरु जिल्ला प्रहरी कार्यालयहरुमा झुम्मिएका छन् । प्रहरीले निकालेको सूचना अनुसार यही चैत ११ गतेसम्म दरखास्त दिन पाइने छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
