सुजाता थापा क्षेत्री२०७९ बैशाख ११, प्यूठान
स्थानीय तहको निर्वाचनका लागि निर्वाचन आयोगले आइतबार १० बजेदेखि ७५३ वटै पालिकामा उम्मेदवारको मनोनयन दर्ता सुरू गरेको छ । मनोनयन दर्ताका लागि सोमबार बेलुका पाँच बजेसम्मको समय तोकिएको छ ।
प्यूठान नगरपालिकामा रहेको निर्वाचन अधिकृतको कार्यालयमा मनोनयन दर्ता कार्य सुरु भएको छ । प्यूठान न.पा. भित्र हालसम्म २ जनाले वडाध्यक्ष पदमा मनोयन दर्ता गराएका छन । शालिकराम भण्डारी प्यूठान नगरपालिकामा वडा नं. ६ मा स्वतन्त्रबाट र वडा नं. ७ मा एकिकृत समाजवादी तर्फबाट शंकर ब. वि.क. वडाध्यक्ष पदका लागि मनोनयन दर्ता गराएको प्यूठान नगरपालिका निर्वाचन अधिकृत कृष्ण ब. ओलीले जानकारी दिए ।
