सरुमारानी गाउँपालिकामा विभिन्न राजनितीक दलका उम्मेदवार सहित स्वतन्त्र तर्फबाट उत्साहजनक रुपमा ७२ जना उम्मेदवारहरुले मनोनयन दर्ता गराएका छन । पालिका अध्यक्षका लागि चार जना र पालिका उपाध्यक्षका लागि दुई जनाको उम्मेदवारी परेको छ ।
जस अन्तर्गत पालिका अध्यक्षमा गठबन्धनको तर्फबाट नेपाली कांग्रेसका मुकुन्दराज शर्मा, नेकपा एमालेबाट झग वहादुर विश्वकर्मा, जनता समाजबादी पार्टीबाट शिव बहादुर पुन र स्वतन्त्रबाट जमिर अहमदले उम्मेदवारी दिएका छन । उपाध्यक्षमा गठबन्धनको तर्फबाट माओवादीका गुप्त बहादुर राना र एमालेबाट बसन्ता खड्काको उम्मेदवारी परेको छ ।
एमालेबाट वडा अध्यक्षमा  वडा नं.१ मा बहादुर पुन मगर, २ नं मा भानुभक्त भुसाल ,वडा नं.३ मा भिम बहादुर मर्साङ्गी मगर, वडा नं.४ मा चिन्त सोमै मगर, वडा नं.५ मा उम बहादुर खाम्चा मगर, वडा नं.६ मा तिल ब.बुढा मगरको मनोनयन परेको हो ।
गठबन्धनबाट वडा अध्यक्षमा १ नं. मा कांग्रेसका नारायण जिसी, २ नंं मा माओबादीका टिकाराम बराल, ३ नं.मा एकीकृत समाजवादीका हिमालय रिजाल, ४ नं. मा माओबादीका तारापती सोमै, ५ नं. मा माओवादीका लक्षमी पल्ली, ६ नं. मा माओवादी केन्द्रका बोम बहादुर थापाको मनोनयन परेको छ ।