ऐरावती गाउँपालिकाको नेतृत्वका लागि स्वतन्त्र वाम गठवन्धनले घोषणा पत्र जारी गरेको छ । घोषणा पत्रमा वर्षमा २\२ जना विद्यार्थीलाई एम.बि.बि.एस. पढाईका साथै १ जना विद्यार्थीलाई पाइलट अध्ययनको लागि सम्पुर्ण शुल्क सहयोग गर्ने, स्वास्थ्य संस्थाबाट टाढा रहेका स्थानमा ६ महिना भित्र सामुदायिक स्वास्थय ईकाइ स्थापना गरिने, पालिका भित्र कम्तीमा ३ वटा एम्वुलेन्स सेवा उपलव्ध गराउने, सुत्केरी महिला र जेष्ठ नागरिकलाई निशुल्क एम्वुलेन्स सेवा उपल्वध गराउने, जेष्ठ नागरिक तथा दिर्घरोगीहरुको लागि मासिक रुपमा डाक्टर घरदैलो कार्यक्रम गर्ने भनिएको छ ।
त्यस्तै छोरी जन्मिने वित्तीकै रु २ हजार छारीको खातामा जम्मा गर्ने व्यवस्था मिलाउने, मासिक २० युनिट सम्म विद्युत निशुल्क गराउने,लिफ्ट खानेपानी र लिफ्ट सिँचाइ विद्युत महशुल निशुल्क वनाउने सामाजिक सुरक्षा भत्ता लिन जेष्ठ नागरिलाई घरदेखी बैक सम्म जान र फर्किनको लागि निशुल्क यातायातको व्यवस्था गरिने,चेनेटा पुरनठाठी जोगीनेटा सडक काले पत्रे गर्ने, आगामी ३ वर्ष भित्रमा ऐरावती गाउँपालिकालाई खाद्यान्नमा आत्मनिर्भर पालिका वनाउने लगाएतका प्रतिवद्धता घोषणा पत्रमा उल्लेख गरेका छन ।