जेठ ९ २०७९, प्यूठाननौवहिनी गाउँपालिकामा निर्वाचित जनप्रतिनिधीले पदभार ग्रहणसंगै पहिलो जनपक्षिय निर्णय गरेका छन्।
नवनिर्वाचित गाउँपालिका अध्यक्ष दिल बहादुर थापा र उपाध्यक्ष विष्णा थापाले सोमवार पदभार ग्रहणसंगै पहिलो निर्णय गरेका हुन।
नौवहिनी गाउँपालिकाभर २० युनिटसम्मको विध्युत महसुल गाउँपालिकाले भुक्तानी गर्ने र गाउँपालिका भित्रका असह्य वालिवालिकाहरुलाई कक्षा १२ सम्म पुर्ण रुपमा निशुल्क शिक्षा प्रदान गर्ने निर्णय गरेका छन्।
जसवाट न्युनतम विध्युत उर्जा उपयोग गर्ने नागरिक र आर्थिक अभावका कारण विध्यालय छोड्ने जोखिममा रहेका वालवालिका र उनिहरुका परिवार प्रत्यक्ष लावान्वित हुनेछन्।
सोमवार नै एक कार्यक्रमका विच गाउँपालिका अध्यक्ष दिल वहादुर थापाले गाउँपालिकाका सवै निर्वाचित जनप्रतिनिधीलाई सपथ गराएका छन्। गाउँपालिका उपाध्यक्ष, वडाअध्यक्ष, र वडा सदस्यहरुलाई सपथ गराएका हुन्।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
