![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2022/05/282043071_412498793802999_6869647837950464293_n-711x400.jpg)
दशैं अगाडि भालुवाङ प्यूठान सडक खण्डको रातामाटादेखि बाग्दुलासम्म पिच गर्नको लागि खाल्डा खनिएको थियो । यी खाल्डा ८ महिना पछि बल्ल पुरेर पिच गरिएका छन् । झन्डै एक वर्ष सडकमा उडेको धुलोले बजार क्षेत्रका स्थानीयले हैरानी व्यहोररहेका थिए । दुर्घटनाको यत्तिकै जोखिम थियो । प्यूठानमा रहेको सडक डिभिजन कार्यालय रहनेकी नरहने भन्ने कुराको अन्यौलले गर्दा सयममै काम गर्न समस्या परेको निर्माण व्यवसायीले बताएका छन् । निर्माण व्यवसायीका अनुसार अब एक दुई दिनमै खाल्डा पुरेर पिच गर्ने सबै काम सकिने छन् ।
कार्यालय प्यूठानको माण्डबी जस्पुरमै रहने कुराको ग्यारेन्टी भएर कर्मचारी आएपछि कार्यालयले काम अगाडी बढाएको छ । कार्यालय अन्तर्गत ठेक्का लिएका सबै निर्माण व्यवसायीलाई ताकेता पारेर काम गर्न लगाइएको सडक डिभिजन कार्यालय प्यूठानका लेखा अधिकृत झगबहादुर दसौदीले जानकारी दिए । बिजुवार, बाग्दुला, जुम्री क्षेत्रमा सडक मर्मतको काममा भएको ढिलाइले स्थानीयलाई निकै सास्ती भएको विषयमा कार्यालय गम्भीर बनेको दसौदीले बताए । यो विषय निर्माण व्यवसायीलाई निकै ताकेता पारेको उनले बताए । ढिलै भएपनि सडकका खाल्डा खुुल्डी पुरेर सडक पिच भएकोमा यस क्षेत्रका स्थानीयले राहत पाएका छन् ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)