सोमबार जिल्ला प्रशासन कार्यालय प्यूठानको अयोजनामा प्यूठान नगरपालिका ४ बिजुवार स्थित खेलकुद मैदानमा विपद्जन्य घटना सम्बन्धी कृतिक अभ्यास गरिएको छ । स्थानीय तहरुको सहयोगमा गरिएको अभ्यासमा आगलागी, बाढीपहिरो भएपछि उद्द्धार तथा खोज कसरी गर्ने भन्ने बारे अन्यास गरिएको थियो । यो निकै राम्रो पक्ष मान्न सकिन्छ । विपद भन्ने कुरा बाजा बजायर आउने होइन । आइहाल्यो भन्ने पूर्वतयारी गर्नु जरुरी हुन्छ । त्यो कार्य जिल्ला प्रशासन कार्यलयले आफ्नो अगुवामा गरेर राम्रो काम गरेको छ ।

विपद भन्नाले कुनै स्थानमा आपत्कालीन अवस्था सिर्जना भई जन वा धनको क्षतीको साथै जीवनयापन र वातावरणमा प्रतकिूल असर पर्ने प्राकृतकि वा गैरप्राकृतिक संकट सम्झनु पर्छ । यो बाट बच्नको लागि तयारी गर्नु पर्ने हुन्छ । पूर्व तयारी विपद् जोखिम न्यूनिकरणको लागि गर्नुपर्छ । प्यूठान जिल्ला विपद् जोखिमको हिसावले धेरै जोखिम जिल्ला अन्तर्गत पर्दछ । विपद् जोखीम न्यूनीकरण भन्नाले विपद् पूर्व गरीने जोखिमको विश्लेषण तथा मूल्याङ्कन, विपद् रोकथाम वा विपद्बाट हुने क्षतिको न्यूनीकरण तथा विकासका कार्यमा विपद् जोखिमलाई कम गर्ने सम्बन्धी कार्य हो । यो कार्य गर्दा आम नागरिकको प्रत्यक्ष वा अप्रत्यक्षरुपमा सहभागी हुन जरुरी हुन्छ । विपद पर्दा आम नागरिकले भोगेको पीडाका कारण यसरी गरिने विपद् सम्बन्धी कृत्रिम अभ्यासमा आम नागरिकको विश्वास छैन् । आगलागी भइसकेपछि आउने दम्कल, बाढीले क्षति पु¥याइसके पछिको उद्धारले गर्दा नगरिकमा विश्वास नभएको हो । यस तर्फ पनि सरोकार निकायले ध्यान पु¥याउन जरुरी छ । कृत्रिम अभ्यासमा जस्तो अभ्यास साच्चिकै घटनामा हुनुपर्छ ।