प्यूठान नगरपालिका–४, बाँजाबारी स्थित सरस्वती प्राथमिक विद्यालयको हाबाहुरीले छाना उडाएको झन्डै एक महिना भयो, अझै कतैबाट मर्मत भएको छैन् । विद्यार्थीहरु यो चर्को गर्मीमा खुल्ला आकास मुनि पठनपाठन गर्न बाध्य छन् । यसमा सरोकारवाला निकाएको ध्यान पुग्न सकेको छैन ।

प्यूठान नगरपालिकाको प्रशासकीय भवन नजिकैको विद्यालय भवनको नांगो छानाले सिंहदरबारको झल्को दिने नगरपालिकाको प्रशासकीय भवनमा बस्ने प्रतिनिधिहरुलाई गिज्याइरहेको छ । असार लाग्दै गर्दा अब मनसुनी वर्षा सुरुहुने समयमा विद्यालय मर्मत गर्न प्यूठान नगरपालिकाको अझै चासो देखिएको छैन । विद्यालयको अवस्थाकोबारे नगरपालिकामा प्रमुख प्रशासकीय अधिकृत, मेयर, उपमेयरलाई जानकारी गराएको विद्यालयका प्र.अ.ले जनाकारी दिएका छन् । तर, अझैसम्म मर्मतमा कसैको ध्यान पुगेको छैन ।

नगरपालिकामा वातावरण तथा विपद् व्ययवस्थापन शाखा छ । त्यसको पनि नजर गएको छैन । भविस्यका कर्णधार विद्यार्थीले पठनपाठन गर्ने पवित्रस्थल विद्यालयमा आपत्तकालिन रुपमा भएको क्षतिमा स्थानीय सरकारीको ध्यान पुगोस् ।