जिल्ला समन्वय समिती प्यूठानको प्रमुख तथा उपप्रमुख लगाएत सदस्यहरुमा गठवन्धनको प्यानल नै निर्विरोध निर्वाचित भएको छ । समन्वय समितीको कुनै पनि पदमा नेकपा एमालेको उम्मेदवारी नै नपरेपछि गठवन्धनका उम्मेदवारहरु निर्विरोध निर्वाचित भएका हुन ।

जसमा समन्वय प्रमुखमा गठवन्धनका तर्फबाट धर्म बहादुर जिसी र उपप्रमुखमा दुर्गा रेग्मी निर्विरोध निर्वाचित भएका छन । त्यस्तै सदस्यहरुमा टोपाराम कालाथोकी, तारा विक, निर्मला पोख्रेल, गुणेन्द्र बस्नेत, इन्द्र बहादुर खड्का, खुमा अधिकारी र रेगम सिंह रसाईली निर्वाचित भएका छन ।

नवनिर्वाचित जनप्रतिनिधीहरुलाई मुख्य निर्वाचन अधिकृत श्यामलाल घिमिरेले आज सपथ खुवाएर प्रमाण पत्र वितरण तथा सम्मान गरेका छन ।