प्यूठान उद्योग वाणिज्य संघले स्थापना दिवसको अवसरमा प्यूठान अस्पतालका विरामीहरुलाई फलफुल वितरण गरेको छ ।

उद्योग वाणिज्य संघले आफ्नो ३२ औँ स्थापना दिवसको अवसर पारेर प्यूठान अस्पतालमा उपचारत विरामीहरुलाई फलफुल वितरण तथा झिमरुक र गौमुखी बजार क्षेत्रमा सरसफाई गरेको हो । साथै सोही अवसरमा एक कार्यक्रमको आयोजना गरि रक्तदान समेत गरिएको छ ।

उद्योग वाणिज्य संघका बरिष्ठ उपाध्यक्ष प्रमोद पोख्रलको अध्यक्षता, जिल्ला समन्वय समिति प्यूठान प्रमुख धर्म बहादुर जि.सीको प्रमुख आतिथ्यता तथा प्यूठान नगरपालिकाका नगर प्रमुख विष्णु बहादुर योगीको विषेश आतिथ्यता र नगर उप–प्रमुख देवेन्द्र वर्मा, प्यूठान अस्पतालका निमित्त प्रमुख खिम प्रसाद पार्देको आतिथ्यता तथा संघका पूर्व अध्यक्ष, सल्लाहकार, उद्योगी व्यवसायी तथा संघका कर्मचारीहरुको सहभागीतामा कार्यक्रम गरिएको हो ।

कार्यक्रममा व्यवसायीक हकहितका साथै सामाजिक क्षेत्रमा समेत संघले गरिरहेको कार्यको प्रशंसा गर्दै प्रमुख तथा अतिथिहरुले रक्तदान कार्यक्रमलाई निरन्तरता दिन आग्रह गरेका छन । उक्त कार्यक्रममा प्यूठान उद्योग वाणिज्य संघका कार्यसमिति सदस्य प्रभात श्रेष्ठ, कार्यकारी निर्देशक प्रकाश खनाल लगाएत उद्योगी व्यवसायीहरुले रक्तदान गरेका छन ।