झुलेनी नेटवर्क२०७९ असार,२१ प्यूठान
२०७९ असार,२१ प्यूठानमल्लरानी गाउँपालिकाले विपन्न, असहाय तथा गरिब विद्यार्थीहरुलाई शैक्षिक सामाग्री वितरण गरेको छ । मुख्यमन्त्री शैक्षिक सुधार कार्यक्रम अन्तर्गत पालिका भित्रका २३ विद्यालयका २ सय विपन्न विद्यार्थीहरुलाई झोला सहित शैक्षिक सामग्री उपलब्ध गराएको मल्लरानी गाउँपालिका अध्यक्ष कृष्ण बहादुर खड्काले बताए ।
गाउँपालिकाले केही दिनअघि मात्र सार्वजनिक गरेको आर्थिक वर्ष २०७९/८० को निती, कार्यक्रम तथा बजेट अनुसार शिक्षालाई पहिलाे प्राथमिकतामा राखेको छ ।
यस्तै कक्षा १ देखी १० सम्म पूर्ण निशुल्क शिक्षा गराउने गरि निती तथा कार्यक्रम र बजेट विनियोजन गरेको पालिका अध्यक्ष खड्काले बताए ।
