भारतमा मोटरसाइकल दुर्घटनामा परी गम्भीर घाइते झिमरुक गाउँपालिका वडा नं. १ निवासी बिमल सुनारलाई आर्थिक सहयोग गरिएको छ ।
झिमरुक गाउँपालिका वडा नं. १ का युवाहरुको बिशेष पहलमा बिमल सुनार बचाउ अभियान सञ्चालन गरी आर्थिक रकम संकलन गरीएको हो । अभियानबाट जुटेको १ लाख ६५ हजार ७ सय २० रुपैयाँ बिरामीको परिवारलाइ बुझाइएको हो ।
अभियन्ताहरुबाट संकलित रकम बिमलको घरमा पुगि हजुर आमा सुमित्रा सुनारलाई हस्तान्तरण गरिएको हो ।
आर्थिक अभावमा उपचारमा समस्या सहयोगको याचना शिर्षकमा असार १७ गते जिल्लाका विभिन्न अनलाईन तथा मिडियाहरुमा समाचार प्रकाशन प्रशारण भएपछी आर्थिक रकम संकलन अभियान संचालन गरीएको थियो । गत असार ६ गते मोटरसाइकल दुर्घटनामा परी दाहिने खुट्टा भाचिएको थियो ।
बिमलको अहिले भारतको हरियाणा जिल्लाको चुडामणि मल्टीस्पेशलिटी अस्पताल कैम्प चोक हिसारमा उपचार भइरहेको छ । उनलाइ अस्पतालको बिशेष कक्षमा राखी उपचार भइरहेको उनका मामा हुम बहादुर बि.क. ले बताए ।
आर्थिक हिसावले बिपन्न परिवारमा जन्मिएका बिमलको बुवा करिब एक बर्षदेखि (बेपत्ता) परिवारको सम्पर्कमा छैनन् । घरमुलि परिवारबाट सम्पर्क बिहिन भएसँगै घरको ऋण तिर्न र परिवारको गुजाराका लागि बिमल भारतमा रोजगारका लागि गएका थिए ।
उपचारमा धेरै रकम लाग्ने भएको र त्यस माथि घरपरिवारको आर्थिक स्थिती कमजोर भएका कारण विभिन्न संघसंस्था र सामाजिक सञ्जाल मार्फत आर्थिक सहयोग संङ्कलन अभियान सुरु गरिएको हो ।