२०७९ श्रावण ११, प्यूठानप्यूठान नगरपालिकाले यस वर्ष घरजग्गाको मूल्यांकन बढाएर कर दोब्बर बनाएको छ । विकास निर्माण र सेवा सुविधामा कुनै सुधार नगरी कर बढाएको भन्दै नगरवासीले विरोध गर्न थालेका छन् ।
विशेष गरेर प्यूठान नगरपालिका वडा नम्बर ४, ८, १, २, ७ र ३ नम्बर वडाको बजार क्षेत्रमा बसोवास गर्ने करदाताले गत वर्षको तुलनामा दोब्बर कर बुझाउन पर्ने भएको छ ।
गत वर्ष १ हजार ६ सय २० रुपैयाँ कर बुझाएकोमा यस वर्ष ३ हजार १ सय ५० रुपैयाँ कर बुझाउन परेको वडा नम्बर ४ बिजुवार बजारका करदाता बाबुराम श्रेष्ठले बताए । नगरपालिकाले जनतालाई सेवा दिने कुरामा भन्दा कर बढाएर जनताको ढाड सेक्ने काममा लाग्न थालेको श्रेष्ठले आरोप लगाए ।
यस भन्दा पहिले मालपोतले मूल्यांकन गरेको जग्गामा २० प्रतिशत छुट दिएर नगरपालिकाले घरजग्गाको मूल्यांकन गरेर कर लिने गरेको थियो । यस वर्ष छुट दिने व्यवस्था नगरपालिकाले हटाएको छ ।
प्रति स्क्वाएर फुट ८ सय रुपैयाँ बाट १ हजार २ सय रुपैयाँ मूल्यांकन बनाएर कर लिने गरेको छ । यसले गर्दा कर झण्डै दोब्बर बढेको हो । जग्गाको नभएर घरको मूल्यांकन केहि प्रतिशत बढेकाले कर बढेको नगरपालिका राजश्व शाखाको भनाई छ ।
यस आर्थिक वर्षकाे कर तिरेकाे रसिद
गत आर्थिक वर्षकाे रसिद
