![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2022/07/napa.jpg)
प्यूठान अस्पतालमा प्युठान नगरभित्रका विरामीलाई नाम दर्ता निशुल्क गराउने निर्णय कार्यान्वयमा आएको छ ।
२०७९ को स्थानिय तहको चुनाव सकिएलगत्तै प्यूठान नगरपालिकामा निर्वाचित जनप्रतिनिधीहरुले नगरवासीहरुका लागि प्यूठान अस्पतालमा नाम दर्ता निशुल्क गराउने निर्णय गरेका थिए ।
सोही योजना एवम् निर्णय बमोजिम नगरपालिकाले अस्पतालसगँ आसार अन्तिम साता सम्झौता गरि नगरवासीहरु अस्पताल आउदा निशुल्क नाम दर्ता गराउने निर्णय गरेका थिए ।
उक्त निर्णय बमोजिम श्रावण १ गते देखी विरामी दर्ता निशुल्क गरिदै प्यूठान अस्पतालका निमित्त प्रमुख खिम प्रसाद पार्धेले जानकारी दिए ।
नगरवासीहरुले अस्पतालबाट सहजरुपमा सेवा प्रदान गरुन भन्ने उद्देश्यले दर्ता शुल्क निशुल्क गराएको प्यूठान नगरपालिका उपप्रमुख देबेन्द्र बर्माको भनाई छ ।
प्यूठान अस्पतालमा प्यूठान नगरवासी बाहेक अन्य विरामीहरुका लागि नाम दर्ता शुल्क २० रुपैया र इर्मजेन्सी अवस्थामा ५० रुपैया लाग्ने गर्दछ ।
तर नगरपालिकाको हकमा भने अव देखी दर्ता शुल्क निशुल्क गरिएको छ ।
प्यूठान नगरभित्रका विरामीहरुले अस्पताल सेवा लिन आउदा आफ्नो परिचय खुल्ने कुनै पनि किसिमको काजजात अस्पतालमा देखाउनुपर्ने छ ।
तर नगरपालिको निर्णय बमोजिम विरामी दर्ता निशुल्क हुन्छ भन्ने थाहा नपाई अस्पताल पुगेका विरामीहरुलाई अहिले सम्म नाम ठेगानाको आधारमा विश्वास गरि एक पटकका लागि दर्ता शुल्क नलिएको अस्पतालका निमित्त प्रमुख खिम पार्धेले जानकारी दिए ।
प्यूठान नगरपालिकाको यो निर्णयले अस्पताल पुगि नाम दर्ता गर्न नसक्ने न्यून स्थिती भएका व्यक्तिहरुले केही मात्रामा राहतको अनुभव गर्न पाएका छन् ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)