प्यूठानका ग्रामीण भेगका कतिपय स्थानमा जंगली जनावरले मकैबाली सखाप पारेको छ ।

जिल्लाको माण्डवी गाउँपालिका वडा नं.१ तिराम र वडा नं.२ मर्कावाङ्गको धन्चौर, गोलबाङ, रातापानी, ढाड लगाएतका स्थानमा किसानले लगाएको मकैबाली जंगली जनावर साह्रो (दुम्सी) भार्से, बदेल, राते लगाएतका जंगली जनावरहरुले मकै वालीमा क्षेती पुर्याएको स्थानीयले बताए ।

भर्खरै घुवाँ लगाउन थालेको मकैको बोटनै जंगली जनावरले सखाप पारेपछि किसानहरु चिन्तित बनेका हुन् । जंगली जनावरले मकैबाली मात्र होईन की किसानले लगाएको तरकारी बाली टमाटर समेत नष्ट गर्दै आएको छ। माण्डवी गाउँपालिका वडा नं. २ मर्कावाङ्ग धन्चौरकी स्थानीय देवी खत्रीले बताईन । त्यस्तै तिन रोपनी बारीमा लगाएको मकैबाली घुवा लगाउन थालेको थियो दुम्सी र बदेलले सखाप पार्यो अर्का स्थानीय जेदा खड्काले दुखेसो पोखिन । पहिले समयमै मकै छर्ने पानी परेन्, मकैले धान फाल्न थालेको थियो, हावाहुरी सहितको पानीले मकैका धेरै बोटहरु भाचीदिए, बचेका मकैका बोटहरु जंगली जनावरले सखाप पार्यो अब के खाने होला खड्काले निन्याउरो मुख पार्दै भनिन् ।

यस्तै जिल्लाका अन्य स्थानहरु नाैबहिनी गाउँपालिका, मल्लरानी गाउँपालिका, ऐरावतीको बरौला, सरुमारानीको बागेंसाल, स्वर्गद्धारी नगरपालिकाको भिंग्री लगाएतका स्थानमा पनि जंगली जनावरले किसानको मकैबालीमा क्षेती पुर्याएको गुनासो आएको डिविजन वन कार्यालय प्यूठानका रेन्जर हरि पौडेलले जानकारी दिए ।

जंगली जनावर अन्तर्गत बादर, दुम्सी, लगाएत अन्य जनावर बाहेक बदेलले खेतीबाली नष्ट पारेको अवस्थामा पिडित किसानहरुले वडा र प्रहरीको साझेदारीमा मुचुल्का उठाएर डिविजन वन कार्यालयमा क्षति विवरण बुझाएमा सम्बन्धित निकायसम्म राहतको लागि पहल गरिने रेन्जर पौडेलले बताए।

ग्रामीण स्थानमा बसोवास गर्ने मानिसको मुख्य आम्दानी भनेको कृषि पेसा हो । खेतीबाली, तरकारीबाली पशुपालन गरेरै घरखर्चको जोहो गरिरहेका हुन्छन । जंगली जनावरले खेतीवालीमा क्षती पुर्याएको अवस्थामा त्यस तर्फ सम्बन्धीत निकायले ध्यान पुर्याउन जरुरी देखिन्छ ।