२३ वर्षकै उमेरमा काठमाडाैँमा गएर होटल खोले । निरन्तर काम गर्दै जाँदा अनुभवले उनलाई यसैमा रमाउन सिकायो । झिंमरुक गाउपालिका–३, ओखरकोटका नविन जिसी आयूष्मा होटलको मालिकको नामले हिजोआज परिचित भइसकेका छन् । आयुष्मा होटलको शाखा काठमाडौमा नेपालगंज, बर्दिया, प्यूठानको जुम्री र मच्छिमा छन् । जहाँ सयाँै जनाले रोजगारी पाएका छन् । ‘२०६४ सालमा छोरी आयुष्माको नामबाट होटलको नाम राखेको हुँ,’ नविनले भने, ‘होटल र पाटीप्यालेस सुधार गर्नमै दिनहरु बितिरहेका छन् ।’ उनले हरेक दिन कसरी होटल राम्रो संग चलाउन सकिन्छ भन्ने कुरा सोच्नमै वित्ने गरेको बताए । विभिन्न जिल्लामा गरि १ सय ७ जना कामदारलाई काममा लगाएको उनले बताए । प्यूठानको होटलमा झण्डै एक हजार जना अट्ने पार्टी प्यालेस निर्माण गरेका छन् ।

होटल सञ्चालनको अगुभव गर्दै गर्दा उनी ४१ वर्षको भइसकेका छन् । यो उमेरै जिसि होटल क्षेत्रमा आयुष्मा ब्राड बनाउन सफल भएका छन् । होटल आयुष्मा, आयुष्मा कारवास सेन्टर, आयुष्मा कृषि फर्म, आयुष्मा इन्भेष्टमेण्ट प्रालि, आयुष्मा बचत तथा ऋण सहकारी संस्था र आयुष्मा मिटमार्ट समेत उनले सञ्चालन गरेका ब्रान्डहरु हुन् । आयुष्मा होटलले प्यूठानको पहिचाहन गराएको छ । जिल्लाका आउने भिआइपी पाहुनाहरु यही होटलमै बासबस्ने गर्दछन् । जिल्लामा हुने धेरैजसो सरकारी कार्यक्रमहरु, विबाह लगायत कार्यक्रमहरु यस होटलमै हुन थालेका छन् । ‘आयुष्मा होटलले जिल्लाको पहिचान गराएको छ,’ उद्योग बाणीज्य संघ प्यूठानका एक पदाधिकारीले भने, ‘होटलका कारण प्रदेशस्तरीय कार्यक्रमहरु प्यूठानमा हुन थालेका छन् ।’ आयुष्मा होटलमा दर्जनौले रोजगारी पाएका छन् । जिल्लामा उत्पादन भएको तरकारी, फलफूल, माशु अण्डा जिल्लामै खपत भएको छ । प्यूठानको पर्यटकीयस्थल, स्वर्गद्वारी दर्शनगर्न आउने पर्यटकहरु, प्रदेश स्तरीय कार्यक्रम लगायत कारणले गर्दा जुम्रीको आयुष्मा होटल राम्रोसंग सञ्चालन भएको जिसीले बताए ।