![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2022/08/therapi-533x400.jpg)
प्यूठानको जुम्रीमा निशुल्क थेरापी गर्नेहरुको आकर्षण बढेको छ । एचवान ग्रुपले संचालन गरेको निशुल्क थेरापीमा थेरापी गर्नेहरुको जमाथ बढेको हो ।
नागरिकहरुलाई स्वास्थ्य सेवा प्रदान गर्ने उदेश्यले संचालनमा ल्याइएको थेरापी सेवामा जिल्लाका करिव १ सय ५० जनाले निशुल्क सेवा लिइरहेको एचवान ग्रुपका अध्यक्ष जनक भुसालले बताए ।
विगत एक दशक देखि देशका ३० केन्द्रबाट थेरापी सेवा संचालन गरेको भुसालको भनाई छ । थेरापी संचालन भएका जिल्ला तथा केन्द्रमा यसको प्रभाव राम्रो देखिएको भुसालले बताए । लामो समय विभिन्न रोगहरुबाट ग्रसित नागरिकहरु निको भएर खुसी भएको भुसालको दावी छ ।
लामो समयसम्म आफु रोगले थलिए पछि थेरापी गरि आफ्नो जिवन सहज भएको अनुभव सुनाउदै थेरापी सेवामा लागेको ग्रुपका म्यानेजर कोमल प्रसाद खनालले यो सेवा दिन धेरै चुनौति भए पनि सेवानै ठुलो कुरा भएको बताए ।
देशका सवै केन्द्रहरुमा यसको आकर्षण बढ्दो क्रममा रहेको उनको भनाई छ । अहिले सवै केन्द्रमा दैनिक आठ हजार भन्दा बढिले सेवा लिइरहेको समेत खनालले बताए ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)