प्युठान।   निर्वाचन आयोग प्यूठानले त्रुटि भएका मतदाहरुकाे नाम सच्याउन आग्रह गरेको छ । आउदो मंसि ४ को प्रतिनिधी सभा तथा प्रदेश सभाको चुनावलाई लक्षीत गरि उक्त कुरा सच्याउन आग्रह गरेको हो ।
जिल्ला समोन्वय समितिको सभाहलमा मतदाता नामावली दावि विरोध तथा नामावली त्रुटि सुधार सम्वन्धी सरोकारवालाहरु संग अन्तरक्रिया कार्यक्रम आयोगले मंगलबार सम्पन्न गरेको छ । मतदाता नामावलीमा नाम छुटेका, नाम विग्रीएका तथा मतदाताहरुको दावि विरोधका लागि भाद्र १३ देखि १५ सम्म सम्वन्धीत वडा कार्यालयमा सम्पर्क गरि आफ्नो नाम हेर्ने र विग्रीएको भएमा सम्वन्धीत निर्वाचन कार्यालयमा निवेदन दिएर सच्याउन सकिने निर्वाचन आयोग प्यूठानका प्रमुख .देविराम पाठकले जानकारी दिएका छन ।
कार्यक्रममा जिल्ला प्रशासन प्रमुख सुनिता नेपाल र जिल्लाका विभिन्न संघ सस्थाका प्रमुख तथा प्रतिनिधी,राजनितिक दलका प्रमुख तथा प्रनिधि र विभिन्न संचार कर्मिहरुको उपस्थीती रहेको थियो ।