२०७९ भदौ १०, प्यूठानदम्ती सबस्टेशनको काम पुनःसुचारु गरिएको छ । विगत ५ वर्ष देखी अलपत्र अवस्थामा रहेको प्युठान नगरपालिका ८ धर्मावतीमा रहेको ३ एमभिए क्षमताको दम्ती सबस्टेशनको काम पुनह् विहिवार देखी संचालनमा ल्याइएको नेपाल विद्युत प्राधिरकण प्यूठानका प्रमुख महेन्द्र कुमार दासले जानकारी दिए ।
सबस्टेशनको काम सुचारु भएसगैँ हिजो साझदेखी झिमरुक गाउँपालिका र गौमुखी गाउँपालिका क्षेत्रमा विद्युत प्रशारण लाईन सेवा पुगिसकेको प्रमुख दासले बताए ।
नौबहिनी गाउँपालिका क्षेत्रमा भने शनिबार साझदेखी विद्युत सेवा वितरण गर्ने गरी काम भईरहेको दासको भनाई छ । १४ करोड लगानीमा निमार्ण गरिएको उक्त सबस्टेशनको काम कम्पनीले समयमै नगर्दा जिल्लाका नागरिकहरु प्रभावित भएका थिए ।
नेपाल विद्युत प्राधिकरणका कार्यकारी निर्देशक कुलमान घिसिङ्गसगँको पटकपटकको छलफल तथा माग पछि सबस्टेशन संचालन गर्न सफल भएको प्यूठान नगरपालिका उपप्रमुख देबेन्द्र बर्माले बताए ।
सबस्टेशनको काम पुनह् सुचारु गरिएसँगै वेलवेलामा विद्युत आउनेजाने समस्या हट्ने विश्वास लिइएको छ । सबस्टेशन काम सम्पन्न भए लगत्तै जिल्लाका करिब ३५ हजार घरपरिवार लाभाविंत हुनेछन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
