बढ्दो मदिरा वेचविखन ओसार–पसार र सेवनलाई व्यवस्थित गर्न स्वर्गद्वारी नगरपालिकामा अनुगम समिति गठन गरिएको छ । नगर प्रमुख नेत्र बहादुर रोकायको अध्यक्षतामा २३ सदस्सीय अनुगमन समिति गठन भएको हो । जसको सदस्यहरुमा सबै क्षेत्रवाट प्रतिनिधित्व हुने गरी राखिएको छ ।
जिल्ला प्रशासन कार्यालय प्यूठानको भाद्र १० गते बसेको बैठकले जिल्लाका सम्पूर्ण स्थानीय तहका प्रत्येक वडाहरुमा मदिरा बेचविखन ओसार–पसार र सेवनलाई व्यवस्थीत गर्नको लागि समिति गठन गर्ने निर्णय गरेको थियो । सोही निर्णय अनुसार सर्वप्रथम नगरपालिकामा गरिएको र अव क्रमश अन्य वडाहरुमा पनि गरिदै जाने इलाका प्रहरी कार्यालय भिंग्रीका प्रहरी प्रमुख घनश्याम केसीले जानकारी दिनुभयो ।

सार्वजनिक स्थलको २ सय मिटर आसपासमा कुनैपनि प्रकारका मदिरा बिक्रि वितरण र सेवन गर्न नपाउन,े अनुमति प्राप्त थोक बिक्रेताले बिहान १० बजे देखि राति ८ बजे सम्म मात्र बितरण गर्न पाइने, खुद्रा व्यापारीले साँझ साँढे ५ बजेदेखी साँढे ८ बजे सम्म मात्र विक्रि वितरण गर्न पाउने लगायतका आचासंहिताहरु लागू हुने भएको छ । यदि नियम विपरित कसैले कानुनको अवज्ञा गरेमा रु १ हजार रुपैया जरिवान समेत लाग्ने भएको छ । यस आचारसंहिताको कार्यान्वयन भोलि अर्थात भाद्र २० गते देखि हुने छ ।

स्वर्गद्वारी नगरपालिकाका १,२,३ र ४ बाहेक अरु सबै वडाहरुमा वडा अध्यक्षहरुकाे अध्यक्षतामा गठन गरिएकाे र बाँकी अन्य वडाहरुमा छिट्टै गठन गर्ने पक्रियामा रहेकाे प्रमुख केसीले बताउनुभयाे ।