असाेज २०रोल्पा नगरपालिकाको माडीचौरमा सञ्चालन गरिने सो क्याम्पस सञ्चालनका लागि केही वर्ष सम्भाव्यता अध्ययन गरिएको थियो । उच्च तहको कृषि प्राविधिक जनशक्ति उत्पादन गर्ने उद्देश्य सहित स्थापना हुन लागको क्याम्पसबाट दुर्गम जिल्लाका विद्यार्थी कृषि शिक्षाबाट लाभान्वित हुने अपेक्षा गरिएको छ ।
क्याम्पस सञ्चालनका लागि सबै तयारी पुरा भइसकेको रोल्पा नगरपालिकाका प्रमुख पूर्ण केसीले जानकारी दिए । अबको केही दिनमा क्याम्पस सञ्चालन हुन्छ, प्रमुख केसीले भने । नगरपालिकालाई शैक्षिक हब वनाउने आफ्नो सपना पुरा हुन लागेको नगर केसीले प्रतिकृया दिए ।
प्रदेश ५ मा त्रिभुवन विश्व विद्यालयको आंगिक क्याम्पसको रुपमा भैरहवाको पक्लीहवामा कृषि क्याम्पस सञ्चालन हुँदै आएको छ । कृषि तथा वन विज्ञान विश्वविद्यालयवाट सञ्चालन गरिने यस क्याम्पस संगै प्रदेश ५ मा कृषि स्नातक क्याम्पसको संख्या २ हुने भएको हो । रोल्पामा सञ्चालन गरिने क्याम्पसले दक्ष कृषि प्राविधिक जनशक्ति उत्पादनमा महत्वपूर्ण भूमिका खेल्ने जिल्लावासीले आशा व्यक्त गरेका छन ।
शैक्षिक क्षेत्रमा पछाडी पारिएको जिल्लामा सञ्चालनगरिने कृषि क्याम्पसले यस क्षेत्रको शैक्षिक सुधारमा अग्रणी भूमिका खेल्ने सरोकारवालाहरुले अपेक्षा गरेका छन ।
कृषि क्षेत्रको दक्ष प्राविधिक जनशक्ति उत्पादनले जिल्लाको विकासमा समेत टेवा पुग्ने आशा गरिएको छ । क्याम्पस सञ्चालनगरिने स्थान पूर्व सभामुख ओनसरी घर्ती मगर र संघीय सरकारका उर्जा जलश्रोत तथा सिचाई मन्त्री वर्षमान पुन मगरको गृहगाउँ हो । यस अघि पूर्वी रोल्पाको घोडागाउँमा सो क्याम्पस स्थापना हुने चर्चा चलेपनि माडीचौरमा स्थापना गरिएको बताइएको छ ।
