नेपाल कम्युनिष्ट पार्टी (नेकपा) प्यूठानले मंसिर १४ को उपनिर्वाचनपछी पार्टी थप मजवुत र संगठन बलियो वनेको वताएको छ। पार्टीको प्रचार प्रसार तथा प्रकासन विभागको अायोजनामा भएको पत्रकार सम्मेलनमा नेकपा प्यूठानका अध्यक्ष तुल्सिराम शर्माले निर्वाचनले पार्टीलाई थप संगठित गराएको वताए।

चुनावि तालमेलको प्रसंगमा अध्यक्ष शर्माले राष्टिय जनमोर्चाको व्यवहारकै कारण तालमेल कार्यन्वयन हुन नसकेको वताए। “राष्टिय जनमोर्चाले विगतमा तालमेलको क्रममा भएको निर्वाचित अवधिभर सहकार्य गर्ने सहमति उल्लंघन गरेको छ।” शर्माले भने- “स्थानिय स्तरमा जनमोर्चा निर्वाचित स्थानमा वर्गवैरी जस्तो व्यवहार गर्ने र पार्टी केन्द्रमा पुगेर तालमेल गर्ने जनमोर्चाकै कारण वरौलामा स्थानिय पार्टीले जनमोर्चाको तालमेल अस्विकार गर्यो।”

विभाग प्रमुख ईमानसिंह भारतिको अध्यक्षतामा सम्पन्न कार्यक्रममा पार्टी सचिव कृष्ण अधिकारीको विशेष उपस्थिती रहेको थियो। कार्यक्रमको संचालन टिकाराम पोख्रेलले गरेका थिए।