उभियाे सरुमारानिकाे सिंहदरवार

सिखबर संवाददाता

१०३७ पटक

जेठ २५ – प्युठान , सरुमारानी गाउंपालिकाले मंगलबार देखि अाफ्नै भवन बाट सेवा सुरु गरेकाे छ । गत अार्थिक वर्ष ०७५/०७६बाट काम सुरु गरि चालू अार्थिक वर्षमा काम सम्पन्न गरि अाफ्नै भवन बाट सेवा सुरु गरेकाे पालिकाका अध्यक्ष झगबहादुर वि क ले बताए । भाडामा बसेकाे पालिका अाफ्नै भवन बाट काम सुरु गर्दा सेवाग्राहिलाई सहजहुने विकले बताए । अब भवनकाे भाडा तिर्न पर्दैन विकले भने “भाडा तिर्ने रकमले जनताका अावाश्यक्ताका काम गर्न सकिने छ ” । १ कराेड ९४ लाखकाे लागतमा १२ काेठा र एक सभाहल भएकाे भवन निर्माण कार्य सम्पन्न भएकाे पालिकाका प्रशासकीय प्रमुख चिन्तामणि रेग्मिले बताए । पालिका काे एक कराेड चाैतिस लाख र संघिय सरकारकाे ६० लाख लागतमा भवन निर्माण कार्य भएकाे रेग्मीकाे भनाई छ । एक राेपनि ६ अाना जग्गामा भवन निर्माण भएकाे छ । पालिकाकाे भवन निर्माण गर्नका लागि जग्गा उपलबध गराउने सरेन्द्रराज अधिकारि हुन ।