सरकारले कोभिड १९ का भेरियन्ट पत्ता लगाउन नियमितरुपमा गर्दै आएको जीन सिक्विन्सिङलाई तीव्रता दिने भएको छ। कोरोनाको नयाँ भेरियन्ट ओमिक्रोन देखिएपछि सरकारले यस्तो निर्ण गरेको हो।

आइतबार बसेको स्वास्थ्य तथा शिक्षा समितिको बैठकमा स्वास्थ्य सेवा विभागका महानिर्देशक डा.दिपेन्द्ररमण सिंहले नियमितरुप गर्दै आएको जीन सिक्विन्सिङलाई तीव्रता दिने बताएका हुन्।

उनले प्रयोगशाला परीक्षणका लागि आवश्यक किट्सलगायतका सामग्रीको मौज्दात पनि पर्याप्त मात्रामा राखिएको बताए। उनले भने,’संक्रमणदर रोक्न नाकामा कडाइ गरिएको छ। पूर्वाधारहरु तयारी अवस्थामा छ्न् ।’ उनले मुलुकभरका अस्पताललाई आवश्यक जनशक्ति तथा सामग्रीसहित तयारी अवस्थामा रहन निर्देशन दिइएको बताए । उनले संक्रमितहरुको सबै सरकारी अस्पतालमा निशुल्क उपचार गर्ने त्यसका लागि सोधभर्नाको व्यवस्थापन भइरहेको बताए।

यस्तै ५० सैह्याका अस्पतालहरुमा अक्सिजन सिलिण्डर र कन्सन्ट्रेटरको व्यवस्थापन गरिएको र अक्सिजन प्लाण्ट स्थापना गर्ने काम भइरहेको छ। यस्तै २०० सैयाका अस्पतालहरुमा अक्सिजन सिलिण्डर कन्सन्ट्रेटरको व्‍यवस्था गरिएको छ। साथै अक्सिजन प्लाण्ट र लिक्विड अक्सिजन र ट्यांक स्थापना गर्ने काम भइरहेको छ।

अन्नपूर्ण

यसअघि सरकारले कोरोनाको नयाँ भेरियन्ट ’ओमिक्रोन’को जोखिम बढेको भन्दै विदेश यात्रा नगर्न आग्रह गरेको छ। यो भाइरस ४० बढी मुलुकमा देखिसकेको छ। छिमेकी मुलुक भारतमा पनि संक्रमण देखिएपछि नेपालमा थप सतर्कता अपनाउन थालिएको हो।