ऐरावती गाउँपलिकाले मातृ मृत्युलाई घटाउन, संस्थागत सुत्केरी बढाउनका लागि र ब्यक्तिगत सरसफाईलाई मध्यनजर गर्दै सुत्केरी प्रोत्साहन प्याकेज लिएको छ । जेठ महिना देखि पालिकाका सबै वडामा लागू हुने गरि गाउँपलिकाले एक कार्यक्रम लिएको हाे ।

सुत्केरीलाई प्रोत्साहनका लागि झोला, पेटिकोट, पेन्टी, प्याड, साबुन, सरफ, टाबेल, नङ कट लगाएतका सामाग्री उपलब्ध गराएको ऐरावती गाउपालिका स्वास्थ्य साखा प्रमुख बाल गोपाल श्रेष्ठले बताए । साथै दिन रात नभनि अहरात्र खटिने महिला स्वस्थ्य स्वम् सेविकालाई पनि सम्मान स्वरुप झोला, छाता, जुत्ता, मोजा, सेट लाइट, नङ कट र कैँची पनि वितरण गरेको श्रेष्ठले बताए ।

पालिकाले सुत्केरी महिलाहरुको लागि रचनात्मक कार्यक्रम ल्याउनाले संस्थागत सुत्केरी बढ्ने बिस्वास लिएको छ । त्यस्तै समुदायमा क्षयरोग का बिरामी पत्ता लगाउनको लागि र तिनको निदान गर्नका लागि स्वास्थ संस्थाहरुमा खकार संकलन कार्य समेत अगाडि बढेको छ । गत बिहिवार दाङबाङ स्वास्थ्य चौकिमा क्षयरोग सम्बन्धि सरोकारवालाहरुलाई अभिमुखिकरण कार्यक्रम संचालन गर्दै खकार संकलन अभियान सुरु गरिएको हो ।

आइतबार दाङबाङ स्वास्थ चौकिबाट १९ जनाको टिबि जाँच गर्नाका लागि खकार संकलन गरिएको छ भने आज पकला स्वास्थ्य संस्थाबाट ५७ जना मानिस हरुको टि. बि. जाँच गर्नको लागि खकार संकलन गरिएको छ । जसको नतिजा केहिदिनमै आउने पुरन्ठाटी स्वास्थ्य चौकिका ल्याब कर्मचारी जनक राउत ले जानकारी गराए ।