प्यूठानका केही स्थानीय तहहरुले जनताको निशुल्क स्वास्थय विमा कार्यक्रमलाई अगाडी सारेका छन । जनप्रतिनिधीहरुले आफुहरु स्थानीय तहको चुनावमा निर्वाचित भए प्रश्चात जनताको निशुल्क स्वास्थ्य विमा गर्ने निर्णय गरेका हुन ।
जिल्लाको माण्डवी गाउँपालिकाले साउन १ गतेदेखी स्वास्थ्य विमा कार्यक्रम लागु गर्ने भएको छ । गाउँपालिकाले स्वास्थय विमा कार्यक्रमलाई कसरी अगाडी बढाउने भन्ने विषयमा छलफल गरिरहेको माण्डवी गाउँपालिकाका अध्यक्ष नवराज अधिकारीले जानकारी दिए ।
यस्तै गौमुखी गाउँपालिकाले पनि जनताको निशुल्क स्वास्थ्य विमा कार्यक्रम गर्ने भएको छ । गौमुखी गाउँपालिकाले पनि असार मसान्त सम्ममा कार्यविधी बनाएर विमा कार्यक्रम साउन १ गते देखी कार्यान्वयमा ल्याउने गाउँपालिकाका उपाध्यक्ष महाविर रानाले बताए ।
उता यस विषयमा जिल्ला अस्पतालका स्वास्थ्यकर्मीहरुले स्थानीय तहहरुले पालिका मातहतमा रहने गरि जनशक्ति खटाए मात्र स्वास्थय विमा कार्यक्रम प्रभावकारी हुने बताउछन ।
पालिका आफैले स्वास्थ्य विमा गर्ने जनशक्ति खटाउने की नखटाउने भन्ने विषयमा छलफल गरिरहेको स्थानीय तहहरुले बताएका छन ।