मंसिर ५प्यूठान, प्यूठानमा मत गणना गर्ने विषयमा सर्वदलीय बैठक बसिरहेको छ । नौबहिनी गा.पा ५ डामृको एक बुथ र प्यूठान नगरपालिका ८ गेजवाङको बुथमा प्रतिनिधी सभाको लागि प्रदेश सभाको मतपत्र दिइएको विषयमा सर्वदलिय बैठकमा टुगंो लागेको छैन । १ सय ४६ वटा मतको विषयमा निर्वाचन आयोग संग राय मागिएको प्रमुख जिल्ला अधिकारी सुनिता नेपालले जानकारी दिइन । निर्वाचन आयोगबाट कुनै निर्णय आइनसकेको नेपालले बताइन । उनले सर्वदलिय बैठकले निर्णय गरेमा र आयोगले केहि निर्देशन दिए पछी मात्रै प्यूठानको मतगणना सुरुहुने बताइन । दुवै स्थानमा मतपत्र वितरणमा त्रुटी फेला परेपनि उम्मेद्वारहरुको सहमतीमा मतदान प्रकृयालाई निरन्तर्ता दिएको थियो ।
प्यूठानका १ सय ५६ वटै मतदान स्थलहरुबाट मतपेटिका जिल्ला सदरमुकाम खलंगामा ल्याइसकिएको छ । जिल्लामा १लाख ५९ हजार ७ सय ६० मतदाता रहेका मध्य ५५ दशमलव ११ प्रतिशत ८८ हजार ४७ जनाले मतदान गरेका थिए ।
प्यूठानमा प्रतिनिधी सभा सदस्यका लागि गठबन्धनको तर्फबाट राजमोकी दुर्गा पौडेल नेकपा एमालेबाट सूर्य बहादुर थापा को कडा प्रतिसपर्दा रहेको छ । प्रदेश क तर्फ एमाले बाट तुल्सीराम शर्मा र गठबन्धनको तर्फबाट माओबादि केन्द्रका कृष्ण प्रसाद अधिकारी प्रतिस्पर्धामा छन । त्यस्तै ख तर्फ एमालेका हरी प्रसाद रिजाल र गठबन्धनको तर्फबाट नेपाली काङग्रेसका सरोज थापा प्रतिस्पर्धामा रहेका छन ।
