२०७९ ,पुस २३ऐरावती गाउँपालिका अन्तर्गतका ४ वटा विद्यालयमा संचालित तिनदिने कथा लेखन कार्यशालाको आज समापन भएको छ । कथा लेखन कार्यशालामा महेन्द्र माद्यामीक बिद्यालय सराङबेसी, पद्मोदय माद्यामिक बिद्यालय धुवाङ, सिशुकल्याण आधाभुत बिद्यालय झिवाङ र जनकल्याण आधारभूत बिद्यालय हर्नाघाट गरी ४ वटा विद्यालयका ४५ जना विद्यार्थीहरुको सहभागिता रहेको थियो । ऐरावती गाउँपालिकाको आयोजना तथा साहित्य परिषद् प्यूठानको समन्वयमा तालिम संचालन गरिएको हो ।
कथा लेखन कार्यले बालबालिकाको सर्वाङ्गिण विकास, क्षमता विकासका साथसाथै विद्यार्थीहरुले रचनात्मक तथा साहित्य लेखन क्षमताको विकास गरुन र जिल्लास्तरमा सक्षम कथालेखक उत्पादन गर्ने उद्देश्यले कथा लेखन कार्यलाई जिल्लाभर विस्तारित रुपमा चलाउने प्रशिक्षक विजयराज आचार्यले बताए ।
बालबालिकाको रुचिअनुसार साहित्यतर्फ अग्रसर गराई कथा लेखनमा अभिभावकले समेत जोड दिनुपर्ने उनको भनाई छ ।
केही वर्ष अघि मात्र प्रध्यानाध्यापकको पेशा छोडेर साहित्यतर्फ लागेका आचार्य अहिले बाल कथा लेखनमा सबैभन्दा धेरै किताब लेख्ने लेखकका रुपमा परिचित छन् । हाल सम्म उहाँका १सय १५ वटा बाल कथाहरु प्रकाशित भईसकेका छन् । उनले प्यूठान सहित देशभर करिब २सय५० वटा तालिम दिने लक्ष्य रहेको बताए ।
साथै उनले कथा लेखन कार्यलाई विद्यार्थीहरुले निरन्तर रुपमा अभ्यास गर्दै दिर्घकालिन समयसम्म कथा लेखनको माध्यमबाट आफुलाई समाजमा स्थापित गर्दै साहित्य तर्फ परिचित गराउने उद्देश्यले लागि पर्न समेत अनुरोध गरे । शनिवार एक कार्यक्रमको आयोजना गरि तालिममा सहभागी प्रशिक्षार्थीहरुलाई प्रमाणपत्र समेत प्रदान गरिएको हो ।
तालीम समापन समारोहमा प्रशिक्षार्थीहरुले विभिन्न शिर्षकमा कथा लेखेर वाचन गरेका थिए । समापन कार्यक्रममा साहित्य परिषद प्यूठानका सल्लाहकार टोपाराम आचार्य, ऐरावती गाउँपालिका उपाध्यक्ष, महेन्द्र माद्यामिक विद्यालयका प्रध्यानाध्यापक खेत बहादुर रोका, अभिभावक, वालवालिकाहरुको उपस्थिती रहेको थियो ।
