२००८ सालमा स्थापना भएको प्यूठानको सबैभन्दा जेठो विद्यालय मुक्ति माध्यमिक बिधालाय रातामाटा प्युठानको ७१ औ बार्षिक उत्सव तथा अभिभावक भेला आज आइतबार सम्पन्न भएको छ ।
लुम्बिनी प्रदेश सांसद कृषि तथा भुमी मन्त्री तुल्सिराम शर्माले कार्यक्रमको उद्घाटन गरेका छन् ।

उद्घाटनको क्रममा उनले विगतका दिनमा विद्यालयले राम्रो नतिजा दिन सफल भएको भन्दै आगामी दिनमा अझै उपलब्धि मुलक कार्य गर्दै जाने विश्वास समेत व्यक्त गरे ।
विद्यालयका लागि आफुले थप सहयोग गर्न पनि तयार रहेको शर्माले बताए ।
त्यस्तै शिक्षा विकास तथा समन्वय इकाई प्यूठानका प्रमुख शिवराज पण्डितले विद्यालयमा अभिभावकहरुको उपस्थिति सोचे अनुसार हुन नसकेको गुनासो व्यक्त गरे ।
अभिभावकको उपस्थिति हुन नसक्नु नै शिक्षाको क्षेत्रमा पछि पर्नु जस्तै भएको भन्दै उनले सकेसम्म अभिभावकको उपस्थिति अनिवार्य हुन आवश्यक रहेको उनले बताए ।
बिद्यालय व्यवस्थापन समितिका अध्यक्ष मधुसूदन शर्मा को अध्यक्षतामा सन्चालन भएको कार्यक्रमका प्रमुख अतिथि लुम्बिनी प्रदेश सांसद कृषि तथा भुमी मन्त्री तुल्सिराम शर्मा रहेको थिए ।
कार्यक्रमा प्यूठान नगरपालिकाका नगरप्रमुख बिष्णु योगि नगर उपप्रमुख देबेन्द्र बर्मा, प्रमुख जिल्ला अधिकारी वेद प्रसाद अर्याल, शिक्षा विकास तथा समन्वय इकाई प्रमुख शिवराज पण्डित, पुर्व प्रधानाध्यापकहरु, छिमेकी विद्यालयका प्रधानध्यापकहरु, शिक्षक संघका पदाधिकारीहरु, जग्गादाता , पुर्ब प्रहरी उपरीक्षक, सबै वडाका वडाअध्यक्षहरुको उपस्थिति रहेको थियो ।